POP 5

Lajmet më të lexuara të 5 minutave të fundit

Kultura

9 trupa teatrore prezantohen në ‘De - Fest Apolonia 2019’

Festivali i Artit Skenik ka bërë bashkë 9 trupa teatrore në Fier. Gjatë këtyre ditëve do të prezantohen shfaqjet, por edhe do të diskutohet mbi rëndësinë e teatrore lokalë nga kritikët e artit, si Josif Papagjoni, Miho Gjini apo Aqif Mulliqi

Festivali Ndërkombëtar i Artit Skenik “De festfestival” ka ngritur siparin gjatë këtyre ditëve në Fier. Rreth nëntë trupa teatrore nga qytete të ndryshme, si Fieri, Tirana, Gjirokastra, Shkodra, Gjilani dhe rajoni i Pulias prezantojnë shfaqjet e tyre në këtë festival. Organizatorët e festivalit, drejtori Agron Xoxe dhe regjisori Milto Kutali e konsiderojnë këtë aktivitet që zhvillohet jashtë Tiranës, si një rizgjim të teatrove lokalë, ndaj të cilit vëmendja po rritet, jo vetëm nga artistët, por edhe nga publiku. Për ta “turnetë lokalë janë domosdoshmëri për të zgjuar dhe rikthyer vëmendjen e njerëzve tek ushqimi shpirtëror, nevojë veçanërisht në jetët kulturore të qyteteve të vogla”.

9 shfaqje nga të cilat 7 do të shfaqen në teatrin Bylis, ndërsa 2 prej tyre “Zoo Story” dhe “Rro për me tregue” do të shfaqen ne Apolloni, në manastirin e Pojanit, ku është menduar, që të zhvillohen edhe tryeza diskutimi mes profesionistëve të teatrit,si: Fadil Hysa, Nebi Islami, Miho Gjini, Josif Papagjoni, Aqif Mulliqi, etj.

Festivali ngriti siparin me shfaqjen “Këngëtarja Tullace” me regji të Spiro Duni, që përfaqësoi Apolonin. Për t’ia lënë më pas radhën trupës së Teatrit "Zihni Sako" të Gjirokastrës, me “Farsa e Kurorës” apo "Erdhi Godoja" nga trupa e Teatrit të "Gjilan", "Zona e pritjes"  nga Teatri "Migjeni" në Shkodër edhe "La serva Padrona" me të cilën prezantohet trupa teatrore e Budvës.  Festivali De- Fest 2019 mbyll siparin në datë 25 shtator.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça