POP 5

Lajmet më të lexuara të 5 minutave të fundit

Kultura

90-vjetori, Akademia e Shkencave
hap dyert për Kasëm Trebeshinën

Kasëm Trebeshina njihet si i pari shkrimtar që u rebelua ndaj diktaturës, por edhe pas rënies se saj ka mbetur në hije. Akademia e Shkencave të Shqipërisë në 90-vjetorin e lindjes së tij hap dyert për një tryezë shkencore me diskutime dhe debate për vendin e veprës së tij në letërsinë shqipe.  VIDEO
90-vjetori, Akademia e Shkencave<br />hap dyert për Kasëm Trebeshinën
Akademia e Shkencave të Shqipërisë do të hap dyert për Kasëm Trebeshinën në 90-vjetorin e lindjes.

Shkrimtari Kasëm Trebeshina që ndan jetën mes Turqisë dhe Shqipërisë ka mbetur në hije, jo vetëm nga indiferenca e shtetit, por edhe për shkak të jetës së tij plot mistere në diktaturë; që nisi me censurimin e veprës në vitet ’60 dhe vijoi me burgosjen e tij më pas.

Ai njihet si i pari shkrimtar që u rebelua ndaj diktaturës. Me një promemorie që i dërgoi diktatorit Enver Hoxha, Trebeshina mori guximin ta qortoje se “nuk është çështja e fëmijëve të vobektë, por e shtypjes së mendjeve që po i hap rrugën një monarkie të re”.

Ndërsa 25 vjet pas rënies së diktaturës, më shumë  se veprat e tij janë publikuar polemikat e përplasjet mediatike, ku një vend me rëndësi ka zënë përplasja Trebeshina –Kadare.

Promemorien Trebeshina e shkroi më 5 tetor 1953. Në këtë letër ai denonconte vendosjen e pushtetit diktatorial në Shqipërinë e pasluftës së Dytë Botërore dhe instalimin e metodës së soc-realizmit në letërsi dhe arte. Takimi për 90-vjetorin e lindjes së Trebeshinës do të mbahet më 8 gusht në Akademinë e Shkencave të Shqipërisë. Në tryezën shkencore do të diskutohet e debatohet për vendin që zë vepra letrare e Trebeshinës në letërsinë shqipe. Për aktivitetin kanë konfirmuar pjesëmarrjen e tyre 13 studiues nga Prishtina, Tetova, Tirana, Gjirokastra, Durrës, Vlora etj.

Tryeza shkencore “Një ditë me Trebeshinën”  sipas organizatorit Behar Gjoka, drejtorit të Qendrës Shqiptare të Studimeve “Pjetër Budi”, përvec të tjerave “është një përpjekje për të nxitur njohjen, leximin dhe vlerësimin e kësaj përvoje shkrimi nga më të veçantat e harkut të letërsisë bashkëkohore”.

posteri

Redaksia Online
XH.K/shqiptarja.com 

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça