POP 5

Lajmet më të lexuara të 5 minutave të fundit

Kronikë

96 vjet kryeqytet, Veliaj: Javën tjetër 
 nisim projektin e Unazës së Vogël

Në përvjetorin e 96-të të shpalljes së Tiranës Kryeqytet të Shqipërisë, 11 shkurt 1920, kreu i Bashkisë, Erion Veliaj, priti në një takim familjarët e përfaqësuesve të qeverisë së parë, të cilëve iu dhuroi edhe një medalje mirënjohjeje për kontributin e dhënë në shpalljen e Tiranës kryeqendër të vendit.  VIDEO
96 vjet kryeqytet, Veliaj: Javën tjetër <br /> nisim projektin e Unazës së Vogël
TIRANE - Në përvjetorin e 96-të të shpalljes së Tiranës Kryeqytet të Shqipërisë, 11 shkurt 1920, kreu i Bashkisë, Erion Veliaj, priti në një takim familjarët e përfaqësuesve të qeverisë së parë, të cilëve iu dhuroi edhe një medalje mirënjohjeje për kontributin e dhënë në shpalljen e Tiranës kryeqendër të vendit. Gjithashtu, në ambientet e Akademisë së Shkencave, ku në 1920 zhvilloi veprimtarinë Këshilli i Lartë, u zhvillua një ekspozitë me fotografi të vjetra e interesante të Tiranës, si dhe ceremonia e përvjetorit me pjesëmarrjen e shumë historianëve që kanë shkruar e dokumentuar historinë e kryeqytetit.

veliaj
 
Në fjalën e mbajtur me këtë rast, kryetari i Bashkisë së Tiranës, Erion Veliaj, uroi 96 vjetorin e Tiranës Kryeqytet të Shqipërisë, si dhe falenderoi të gjithë familjarët e përfaqësuesve të qeverisë së parë dhe ata që kanë kontribuar në shkrimin e historisë së Tiranës, me një nderim të veçantë për prof.dr. Kristo Frashëri. Veliaj nënvizoi se Tirana ndër vite ka ndryshuar e është zhvilluar shumë, por sfida e sotme e Bashkisë së Tiranës është të ndërtojë një qytet modern, të zhvilluar, por mbi të gjitha të jetueshëm.
 
“Zhvillimi që ka marrë Tirana në periudhën mes këtyre dy momenteve nuk mund ta mohojë askush. Nga një qytet me disa dhjetëra, mijëra banorë në fillimet e tij, sot Tirana është shndërruar në një metropol me një milionë banorë rezidentë. Nga një qytet që asokohe dukej si një zgjidhje shumë e çuditshme për kryeqytet, krahasuar me qytete më të mëdha dhe më të rëndësishme të asaj kohe, siç ishte Shkodra, Korça, Vlora ku u shpall pavarësia, Durrësi, sot, Tirana është pa dyshim jo vetëm qyteti më i madh dhe më i zhvilluar i shqiptarëve, por edhe motori i zhvillimit ekonomik të vendit, ku statistikisht 40% e ekonomisë shqiptare gjenerohet  këtu”, u shpreh Veliaj.
 
Ai tha se Tirana sot ndodhet në prag të një periudhe tjetër zhvillimi, e cila do të përcaktojë trajektoren që do të marrë kryeqyteti ynë për 20 apo 30 vitet e ardhshme.
 
“Kjo është ajo për të cilën po punojmë, jo për zgjedhjet e ardhshme, por për të ardhmen e qytetit, për gjeneratën e ardhshme. Sigurisht, nuk mund të bëjmë dot gjithçka në një vit apo qoftë edhe në një mandat, por më e pakta që mund të bëjmë është t’u japim fund këtyre lloj çudirave që përmendëm dhe që historianët me humor i kanë kujtuar në librat e tyre, që prej vitesh janë kthyer dhe janë pranuar si të ishin normale në Tiranë”, vijoi kryebashkiaku Veliaj.
 
Duke nënvizuar faktin se reforma territoriale ka krijuar një sërë mundësish të reja për të hartuar politika zhvillimi dhe rritje për Tiranën, sfida e radhës është çuarja përpara e një sërë projektesh infrastrukturore si: Unaza e Madhe dhe Unaza e Vogël, Bulevardi i Ri, investimi për infrastrukturën e një transporti alternativ minimum për biçikletat, zonat e reja pedonale, të cilat do ta transformojë jetën e kryeqytetit tonë.
 
veliaj

“Javën tjetër do të nisë projekti për Unazën e Vogël të Tiranës; projekt i mbetur pezull 25 vjet, që shkakton një kaos të tërë në lëvizjen në qendër të Tiranës. Brenda 6 muajve do të kemi kompletuar Unazën e Vogël të Tiranës, për të zgjidhur njëherë e mirë një ngërç të jashtëzakonshëm trafikun për qendrën e qytetit. Në pranverë, do të fillojmë punimet për sheshin ‘Skënderbej’ dhe duke marrë shkas edhe nga propozimet që bënë kolegët historianë do t’i kthejmë sheshit ‘Skënderbej’, jo vetëm hapësirën e merituar për qytetarët, një hapësirë pedonale, ku shqiptarët të kenë qendrën e tyre të mbledhjes edhe të takimit me njëri-tjetrin, piacën e tyre publike në mes të kryeqytetit, por sigurisht edhe një hapësirë, e cila do të rikuperojë disa nga dëmet, siç ka qenë lulishtja në sheshin ‘Skënderbej’ apo disa objekte të tjera me rëndësi në kompleksin monumental të Tiranës”, u shpreh Veliaj.
 
Nga ana tjetër, ai shtoi se në pranverë do të fillojë edhe projekti i një partneriteti public-privat me familjen Toptani për zonën e Kalasë, për t’ia rikthyer dhe hapur për publikun, e për ta kthyer në një zonë të aksesueshme për qytetarët. Gjithashtu, Veliaj tha se ka edhe një shtim të interest për hapësirat në zonat e reja që i janë shtuar Tiranës. “Po këtë vit do të fillojmë punën në Parkun e Kasharit, për t’u siguruar që pas Parkut të Liqenit, që është parku tradicional i Tiranës, të kemi gjithashtu një hapësirë tjetër çlodhëse. Këto janë mënyrat më të mira për të kujtuar këtë 96-vjetor të Kryeqytetit, që Tirana të mos jetë vetëm një pikë tranziti administrativ për nevojat e gjithë Shqipërisë, por edhe një hapësirë e jetueshme”, përfundoi ai.

veliaj

Redaksia Online
(Gre.M/Shqiptarja.com)

 

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Stafi i Harris: Rezultatet e shteteve kryesore do të shpallen nesër

Stafi i Harris: Rezultatet e shteteve kryesore do të shpallen nesër

5 Nëntor, 17:10