A do të hapen negociatat Shqipëri-BE? Panariti në Repolitix: Refuzimi shton influencën ruse! Malaj: Me 60% hapen

Gazetari Aleksandër Çipa ka deklaruar në studion e Repolitix, se kryetari i PD Lulzim Basha ditën e sotme ka thënë se pranon të ulet në tryezë pa kushte për Reformën Zgjedhore.

"Basha sot ka thënë se sot duhet të ulemi pa kushte për Reformën Zgjedhore.. Sot e ka thënë në qasjen e vet. Sot shumica është Rama që duhet të bëjë një akt politik që mund të sjellë normalitetin politik. Unë po marr mesazhin që Basha ka artikuluar sot. Kjo është një lëvizje lojaliste." ka thënë Çipa.

Ndërkohë nga ana tjetër ka qenë Panariti i cili ka thënë se duhet që të ketë patjetër një marrëveshje.

"Padyshim që duhet një kompromis. Do të shikohet ligjshmëria e zëvendësimit të deputetëve. Ka vetëm një opozitë. Të presim zhvillimet e Gjykatës Kushtetuese. Duhet të bëhet kushtetuesja brenda 2019 që të kemi mundësi për zgjedhje të parakohshme diku nga qershori. Gjermanët kanë thënë se duhet të hetohen dosje të mëdha. Janë në tryezë dhe kushtet që janë vendosur për Integrimin.

Ish-ministri i financave Arben Malaj ka thënë se beson se me 60% BE do të vendosi për hapjen e negociatave me Shqipërinë për anëtarësim. Ai ka shtuar se i beson përfundimeve të Gjermanisë për hapjen e negociatave por që duhet të kryhen detyrat e vendosura.

"Unë jam me hapjen e negociatave si Gjermanët, mbi 60 %. Do të bëhet marrveshje dhe do të hapen. Nëse Maqedonia e merr bekimin nuk duhet të ketë debate pse... Ne na e ka bërë të qartë Gjermania që na ka thënë. Shteti më i fortë i Europës na e ka bërë të qartë. Prandaj them që mund të gjejmë marrveshje. Gjermania ka hapsira për të bllokuar të bind Francën. " ka thënë ndër të tjera Malaj.

I ftuar në emisionin Repolitix, ish-ministri i financave Arben Malaj ka thënë se Shqipëria në radhë të parë duhet t'i bëjë reformat për veten dhe jo për BE. Ndër të tjera ai ka thënë se nëse nuk bëhen reformat që Shqipëria ka nisur dhe që na kërkohen nga BE atëherë do të jemi njëlloj si jashtë Bashkimit Europian ashtu edhe brenda tij.

"Refomrat i bëjmë për vete. Ne i bëjmë reformat për vete le të marrim rastin e Greqisë, Spanjës, Bullgarisë etj.Po nuk i bëmë reformat brenda apo jashtë BE jemi njësojë. Ne duhet të kuptojmë që të ulemi të punojmë të gjithë bashkë nuk ka rëndësi kush është në pushtet. Duhet të plotësoheshin kushtet." ka thënë Malaj.