A është dakord që protesta e thirrur nga Berisha të mbahet në të njëjtën ditë kur vijnë liderët e BE? Si përgjigjet Ilir Meta

Kryetari i partisë së Lirisë, Ilir Meta është pyetur nga gazetarët nëse ishte dakord me thirrjen e ish kryeministrit Sali Berisha për protestë të qytetarëve në 6 dhjetor, ditën kur liderët e BE-së, vizitojnë Tiranën.

Ndërsa ndodhej në Panairin e Librit, Meta preferoi të shmangte përgjigjien lidhur me këtë temë, duke deklaruar se donte të fliste vetëm për librat.

“Sot jemi tek libri, jemi tek heronjtë e shoqërisë sonë, sepse dua t’i përshëndes  të gjithë, duhet më shumë mbështetje në mënyre që jo vetëm libri të ketë më shumë mundësi të prekur nga sa më shumë lexues, por përmes librit të formojmë qytetarë të denjë për vendin”, u tha Meta.

LEXO EDHE:
Meta jep porositë e fundit para Konventës: Të gjithë si Tedi Blushi! Ashtu bëhet opozitë

Nga ana tjetër, ish kryeministri, Sali Berisha pasi konfirmoi datën e protestës së 6 Dhjetorit, tha se liderët e Bashkimit Europian duhet ta merrnin këtë protestë si një mikpritje dhe shtoi se do të merreshin masat për të mos patur raste dhune apo tensione.

B.V/LR/Shqiptarja.com

TAG:
• 6 dhjetori i Berishes
• sali berisha
• Ilir Meta