A është Meloni trashëgimtare e Berluskonit? Rama: Giorgia është trashëgimtare e një tigri, jo e një rinoqeronti

Kryeministri Edi Rama gjithmonë e ka shqafur hapur simpatinë dhe vlerësimin për kryeministren italiane Giorga Meloni.

Në intervistën për gazetën e përditshme italiane “Libero” sërish përcjell vlerësimin e tij dhe surprizën përballë të cilës u gjendën dhe vetë liderët europianë.

"Në skenën ndërkombëtare, Giorgia i ka surprizuar të gjithë, e do të thosha alla grande, sepse teksa prisnin një përbindësh fashist që do të marshonte mbi Europë, u gjendën përballë një gruaje me aftësi mahnitëse në komunikim si një evropiane e thekur, që deri më tash s’ka thënë asgjë gabim. E djathta, e majtë, fashizmi, socializmi kanë kuptim kur flasim për histori, por kërkimi i sensit të tyre të hershëm në politikën e sotme mund të na ngatërrojë me këmbët tona"

Çfarë mendimi keni për Berluskonin?

E kam njohur shumë pak, por e kujtoj i buzëqeshur. Dhe e kam ridëgjuar e  lexuar disa herë fjalimin e kryepeshkopit në funeralin e tij, një adresim jashtëzakonisht i bukur për një njeri, që le ta themi duke përdorur një eufemizëm, nuk ishte subjekti më i lehtë për një prift. Nga ato pak takime që kam pasur me të, kam krijuar ndjesinë e një njeriu që kishte një ndjeshmëri gjenuine ndaj Tjetrit.

A Giorgia është trashëgimtare e Berluskonit?

"Giorgia është trashëgimtare e një tigri, jo e një rinoqeronti" thotë Rama.

A është i mundur bashkëpunimi midis socialistëve dhe të djathtave në Evropë?

Jam shumë kurioz të di.

Lajmi kryesor:

Rama për 'Libero': Të qenit i majtë nuk më pengon të bëj zgjedhje që pastaj mund të interpretohen si të djathta!

S.G/G.MO/Shqiptarja.com

TAG:
• giorgia meloni
• edi rama