Prokurori i Gjykatës Ndërkombëtare Penale, Karim Khan, ka thënë se do të nisë hetime “për ngjarjet e lidhura me Ukrainën”, pas pushtimit të paprovokuar të Rusisë në Ukrainë.
“Sot dua të njoftoj se kam vendosur të nis hetimet për situatën në Ukrainë sa më shpejt që është e mundur”, ka thënë Khan përmes një deklarate më 28 shkurt.
Khan ka thënë se hetimet do të analizojnë krimet e mundshme të luftës, të kryera edhe para pushtimit që ka nisur javën e kaluar nga Rusia, e cila më 2014 ka aneksuar në mënyrë të paligjshme Gadishullin ukrainas të Krimesë.
Ai ka thënë se Gjykata veçse ka kryer disa hetime preliminare për krimet e lidhura me shtypjet e dhunshme të protestave pro-evropiane në Kiev më 2013-2014, si dhe për supozimet për krime në Krime, pas aneksimit.
“Duke marrë parasysh zgjerimin e konfliktit në ditët e fundit, synoj që ky hetim të përfshijë edhe dyshimet e reja që bijnë nën juridiksionin e zyrës sime, të cilat janë kryer nga çfarëdo pale dhe në çfarëdo pjese të territorit të Ukrainës”, ka thënë ai.
Sipas rregullave për Gjykatën me bazë në Hagë, kur një prokuror vendos të nisë hetimet, ai duhet të kenë autorizimin e dhomës së procedurës paraprake, apo duhet të kërkojë një shtet si palë që t’i referohet situatës.
Vetë Ukraina nuk është palë në Statutin e Romës, i cili përbën themelet e Gjykatës, andaj nuk mund t’i referohet rastit para prokurorëve. Rusia është nënshkruese e këtij traktati.
Khan ka thënë se do të bëjë thirrje për më shumë mbështetje buxhetore dhe njerëzore për të nisur hetimet pasi “rëndësia dhe urgjenca e misionit tonë është shumë serioze për t'u mbajtur peng i mungesës së mjeteve”.
Raketat janë nisur në aeroporte dhe infrastrukturë ushtarake në rreth 25 qytete. Presidenti rus, Vladimir Putin ka urdhëruar “operacion special” për të çmilitarizuar Ukrainën. Veprimi i Kremlinit ka nxitur zemërim dhe është dënuar në gjithë botën. Shtetet e Bashkuara dhe aleatët janë përgjigjur me sanksione të ashpra kundër Moskës./ REL
Komente
Lajme të tjera
-
Rusia jashtë Botërorit 2026, UEFA dhe FIFA nuk ndryshojnë qëndrim
19 Nëntor, 17:38 -
Kremlini thotë se administrata e Presidentit Biden po e përshkallëzon luftën në Ukrainë
18 Nëntor, 15:43 -
Rusia s'i ndal sulmet, Ukraina rrëzon 21 dronë, 38 të tjerë ranë vetë pas goditjes elektronike në sistemet e navigimit
14 Nëntor, 11:38 -
Të ikur nga mobilizimi e persekutimi rus, çeçenët arrijnë në kufirin mes Bosnjës e Kroacisë
12 Nëntor, 09:12 -
Fitorja e Trumpit mund të çojë drejt paqes në Ukrainë, por në favor të kujt?
8 Nëntor, 18:00 -
Ndërhyrje në zgjedhjet amerikane? Ambasada ruse në SHBA e mohon: S'ka asnjë provë, të shpikura për t’u përdorur në luftën e brendshme politike
6 Nëntor, 09:45 -
Votat e diasporës pritet të përcaktojnë emrin e presidentit në Moldavi! Kandidati prorus në avantazh me 0,5%
3 Nëntor, 22:43 -
Moldavët zgjedhin presidentin mes shqetësimeve për ndërhyrje ruse
3 Nëntor, 11:51 -
Lufta Rusi-Ukrainë/ Moska thotë se i rrëzoi 83 dronë ukrainas
1 Nëntor, 09:33 -
Prokuroria e Posaçme e Kosovës ngre akuza ndaj dy personave për krime lufte
1 Nëntor, 09:13 -
Kryediplomati hungarez kritikon sanksionet e BE-së gjatë vizitës në Minsk: Neve s'na pëlqen politika e sanksioneve
31 Tetor, 20:57 -
Gjeorgjia fillon hetimet për zgjedhjet parlamentare
31 Tetor, 08:42
Te behet nje Nurenberg i dyte ku shkaktaret e kesaj tragjedie qe po ndodh ne Ukraine Vladimir Putin Sergei Lavrov Sergei Shougun Maria Zaharova te gjykohen nga gjykata nderkombetare me akuzen per krime lufte dhe genocid ne Ukraine dhe te varen ne litar
Përgjigju