POP 5

Lajmet më të lexuara të 5 minutave të fundit

Kronikë

A1Report zbardh rekursin, Arben 
 Frroku 7 pyetje për prokurorinë

Në rekursin e siguruar nga Ai Report Arben Frroku ka shtatë pretendime të argumentuara që sipas tij, vërtetojnë pafajësinë. Në rekurs thuhet se prokuroria nuk ka mundur të faktojë motivin e vrasjes ndërkohë që deklaratat e dëshmitarit Ndoka janë cilësuar si sajesa.  VIDEO  PDF - Rekursi i Arben Frrokut në Gjykatën e Lartë
TIRANE - A1Report ka siguruar kopje të rekursit që biznesmeni Arben Frroku, i dënuar përjetë,ka depozituar nga arratia në Gjykatën e lartë. Ai kërkon pafajsinë duke u shprehur se është dënuar padrejtëisht për vrasjen e kryepolicit Dritan Lamaj.

Avokatët Tonin Prendi e Genci Gjokutaj, duke e cilësuar vendimin e datës 29 qershor të viti 2015 të Gjykatës së Apelit si të padrejtë, ngrenë pretendimet për 7 fakte që sipas tyre, prokuroria nuk ka mundur të gjejë prova apo të bëjë hetime të plotë.

Në bazë të rekursit, organi i Akuzës nuk mundi të provojë motivin që ka shtyrë Arben Frrokun të kryejë vrasjen, nuk provoi mekanizimin e kryerjes së vrasjes, nuk u provua prania e Frrokut në vendin e ngjarjes më 24 shkurt 2013.

Më tej në pikën 3 dhe 5 të rekursit avokatët pretendojnë se veprimet e prokurorisë janë të paplota, pasi sipas tyre, është e pamundur të merret i pandehur Arben Frroku dhe të mos merret i pandehur Jak Jaku, i cili ka qenë në shoqërinë e Frrokut.
 
Kjo sipas tyre, e provuar me pamje filmike deri në pikën e kalimit kufitare Kapshticë dhe zbardhjen e tabulateve telefonike.
 
Në lidhje me deklaratat e dëshmitarit Arben Ndoka, rekursi sqaron se ky shtetas ka pasur njohje me vëllezërit Frroku dhe gjithçka e ka bërë me qëllim për të marrë shumën monetare duke ditur konfliktin e viktimës me Arben Frrokun.

Frroku është në arrati prej më shumë se 3 javësh ndërsa ndaj tij rëndon dënimi me burg përjetë për vrasjen e ish kryepolicit të kombinatit Dritan Lamaj, më 24 shkurt të 2013

rekursi arben frroku
 Rekursi i Arben Frrokut në Gjykatën e Lartë

Redaksia Online
(Gre.M/Shqiptarja.com)
 

/Shqiptarja.com
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi