Eshtë një grup i ri editorial i pavarur, të cilit i bashkohen shumë gazetarë të tjerë që kishin punuar prej shumë vitesh te “Gazeta Shqiptare”, News24 dhe Balkanweb dhe që nuk donin të punonin në atë grup që nga 11 maji 2011 u ble nga dy biznesmenë shqiptarë. Ishin dhe janë gazetarë që duan të rrinë të pavarur.
Një koncept që e ka frikësuar gjithmonë Sali Berishën dhe shumë nga ministrat e tij, duke filluar nga Sokol Olldashi, të cilët një gazetar të pavarur e konsiderojnë “armik”.
Tetë muaj më parë Olldashi kishte bërë një padi për shpifje kundër “Gazeta Shqiptare” pronë e shoqërisë italiane “Mediterranea” duke kërkuar një dëmshpërblim prej 150.000 euro.
Me shitjen e “Gazeta Shqiptare” nga ana e “Mediterranea” , blerësit, biznesmenët shqiptarë, morën edhe të gjitha përgjegjësitë ligjore mbi të gjitha paditë që ishin në proces e sipër, përfshi dhe atë të hapur nga Olldashi. Paradoksi qëndronte në faktin se Olldashi do t’i kërkonte 150 mijë euro dëm pronarëve të rinj të “Gazeta Shqiptare”, që ishin miq të tij.
Dhe në këtë mënyrë me 9 nëntor 2011, pra 5 ditë pas lindjes së grupit të ri të pavarur Shqiptarja.com, Olldashi vë në praktikë hakmarrjen e tij primitive. Përmes Erinda Ballancës, avokatës së Sali Berishës, i kërkon gjykatësit Bledar Abdullai të ndryshojë objektin e padisë.
Shkruan: “I nderuar z. Gjyqtar, ne si pala paditese e jemi drejtuar gjykates me kete padi ku i kemi kerkuar detyrimi i të paditurit Gazeta Shqiptare, pronë e subjekti Mediterarena spa per t’i shpërblyet paditësit Sokol Olldashi dëmin jo pasuor në masën 150.000 euro.
Me ane te kesaj kerkese sot ne duam te saktesojme objektini e padise, i cili do jete detyrimin e të paditurit Carlo Bollino, në cilësinë e botuesit dhe përfaqësuesit të subjektit “Mediterranea” s.p.a, për t’i shpërblyer paditësit Sokol Olldashi në masën 150.000 Euro”.
Kërkesa ishte e jashtëligjshme dhe në kundërshtim me kodin civil shqiptar, po gjykatësi Bledar Abdullai e pranoi pavarësisht shkeljes së ligjit. Duke e shndërruar Karlo Bolinon në të pandehurin e ri, por ndoshta, për të shmangur një skandal, mendoi të mos e informonte.
Dhe në këtë mënyrë procesi është zhvilluar për 10 muaj dhe Bolino nuk e ka ditur në asnjë moment se akuzohej dhe kërkohej të dëmshpërblente Olldashin për 150.000 euro. Pastaj, më 23 maj Abdullai i ka dhënë të drejtë avokates së Berishës duke dënuar Bollinon të paguajë shumën 75.000 euro.
Po çfarë dëmesh? Ai artikull i publikuar vetëm një herë te “Gazeta Shqiptare” duket se i ka shkaktuar një stres të vërtetë Sokol Olldashit.
“Teksti i shkrimit – referon Abdullai duke cituar mendimin e Olldashit - është një goditje e ulët, keqdashëse, për t’u përdorur si kalë beteje, në prag të datës 8 maj 2011, që synon të cënojë nderin dhe dinjitetin e paditësit Sokol Olldashi, në mënyrë të veçantë, integritetin e tij, personalitetin dhe besueshmërinë në rrethin e bashkëqytetarëve të qytetit ku ka lindur Durrës, qytet ku sipas detyrës së ngarkuar nga Partia Demokratike ai ka kryesuar forcën politike ku aderon subjektin zgjedhor PD gjatë zgjedhjeve vendore të vitit 2011.
Artikulli i cili në përmbajtje aludon për aferë të pastër korruptive të paditësit dhe për lajthitje të tij, duke përdorur të gjithë Këshillin e Ministrave, synon që nëpërmjet përmbajtjes dhe titullit të tij, të dëmtojë, diskretitojë në opinonin publik dhe karshi kolegëve ministra, deputete dhe anëtarë të PD, figurën e paditësit i cili në cilësinë e ministrit përgjegjës për punë publike dhe infrastrukturën ka ndër treguesit më të lartë të realizimit të kësaj qeverie. (...)
Të gjitha veprimet dhe mosveprimet e të paditurve, parashtron paditësi, i kanë shkaktuar atij një gjendje të rëndë tensioni, turbullie në aspektin personal vetjak të marrëdhënieve me njerëzit e tij të afërm si dhe me kolegët e forcës politike”.
Kështu, Karlo Bolino, sipas Abdullait, duhet të dëmshpërblejë Sokol Olldashin edhe për tensionet e brendshme dhe konfliktet e brendshme në PD.
(Fë foto faqja 1 e faksimiles së kërkesës së avokates Erinda Ballanca për ndryshimin e objektit të padisë nga shoqëria "Mediterranea" në Carlo Bollino)
(Fë foto faqja 2 e faksimiles së kërkesës së avokates Erinda Ballanca për ndryshimin e objektit të padisë nga shoqëria "Mediterranea" në Carlo Bollino)
Shkrimi u botua sot në gazetën Shqiptarja.com (print) 09.06.2013
Redaksia Online
(b.m/shqiptarja.com)
Lajme të tjera
-
Pakti për emigrantët/ Bardhi: Marrëveshja tani e pazbatueshme! Ballanca: Kemi detyrimin të mbikëqyrim të drejtat e njeriut brenda kampit, koordinim me italianët
13 Nëntor, 12:28 -
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Një amnisti? A nuk rrezikon të rikonfirmojë 'de jure' dhe përfundimisht në postet e tyre politikanët e këtyre tridhjetë viteve?
29 Tetor, 16:05
-
Ilir Yzeiri: Amnistia dhe sqarimi i (pa)nevojshëm i Bolinos
27 Tetor, 10:40
-
Carlo Bollino: Duhet një amnisti? Një sqarim për ata që e kritikojnë pa e lexuar (ose nuk duhet ta kuptojnë) pyetjen time
26 Tetor, 17:16
-
Carlo Bollino: SPAK dhe Amnisti: Një rrugë e mundshme për një drejtësi të pranueshme dhe paqe politike?
25 Tetor, 14:53
-
Carlo Bollino ironizon familjen Berisha: Përpara më etiketonin si ''fashisto-komunist'', tani jam ''peng'' por njëkohësisht edhe ''anëtar'' i SPAK!! Ata janë komplet në panik, i mirëkuptoj
20 Shtator, 12:27
-
Carlo Bollino: Berisha nuk meriton të fitojë zgjedhje jo vetëm se është i korruptuar, por mbi të gjitha se ka mbetur një diktator!
19 Shtator, 16:56
-
Berisha në sulm: Bollino është anëtar i organizatës kriminale të SPAK! Bollino i përgjigjet: E vlerësoj, por jam thjesht një gazetar i fakteve!
18 Shtator, 17:17 -
Carlo Bollino: ''Vakëf'' dhe ''VKM e personalizuar'', Berisha dhe dhëndri do të përgjigjen penalisht për shpifjet e presionet ndaj meje!
11 Shtator, 21:09
-
Carlo Bollino: Opozita në duart e Berishës dhe rrjeta e merimangës që po e çon drejt humbjes së dhjetë
9 Shtator, 19:07
-
Në Bunk’Art2 hapet 'Dhoma e Manipulimeve': Për herë të parë tregohet lidhja mes iluzioneve optike dhe propagandës komuniste
5 Gusht, 16:08
