Abrashi: Me Francën mos pësojmë
gol, Lenjani: Do japim më të mirën

Emir Lenjani dhe Amir Abrashi kanë dhënë  një konferencë për shtyp nga Franca dy ditë përpara ndeshjes Francë-Shqipëri. Kjo ndeshje është vlefshme për grupin B për Kampionatin Europian.


 
Lenjani në këtë konferencë u shpreh se me Francën do japim maksimumin dhe se do luajmë si dy ndeshjet e para kundër tyre.

Kujtojmë se dy ndeshjet që Franca ka pasur me Shqipërinë për eliminatorët e këtij europiani njëra në Shqipëri një vit më parë ku dolëm fitues me një gol të Kaçes dhe ndeshjen tjetër me 14 nëntor 2014 në Francë ku barazuam 1:1 me Mavrajn.

Për sa i përket disfatës me Zvicrën, mesfushori i kombëtares Lenjani u shpreh se duhet ta harrojmë ndeshjen me Zvicrën dhe të fokusohemi tek Franca. ‘’ Ekipi është në formë të mirë, dhe ne do japim maksimumin ndaj Francës’’, u shpreh Lenjani.

Ndërsa Abrashi u shpreh se në ndeshjen me Zvicrën kishte disa gabime, që me Francën nuk do i kemi. ‘’ Ne do te luajmë qetë, pavarësisht se Franca do të ushtrojë presion. E rëndësishme ndaj Francës është të mos pësojmë gol''.

Të dy mesfushorët shprehën falënderimet për tifozët dhe mbështjetjen e tyre, duke thënë se janë të mrekullueshme. 

Redaksia Online 
(xh.k/shqiptarja.com)