Abu Mazen: 10 mijë palestinezë të vrarë, si mund të heshtim?

Abu Mazen dhe Antony Blinken

Në takimin që po zhvillohet mes sekretarit amerikan, Antony Blinken dhe presidentit, Abu Mazen, ky i fundit parashtroi pyetjen "si mund të heshtim për vrasjen e 10 mijë palestinezëve".

“Si mund të heshtim për vrasjen e 10 mijë palestinezëve, duke përfshirë 4,000 fëmijë, dhjetëra mijëra të plagosur, dhe shkatërrimin e dhjetëra mijëra njësive të banimit, infrastrukturës, spitaleve, qendrave të pritjes dhe rezervuarëve të ujit”, tha Abu Mazen.

LEXO EDHE:
Ushtria izraelite i gjen në Gazë trupat e pajetë të tre pengjeve

Po ashtu ai shtoi se ajo që po ndodhte në Bregun Perëndimor dhe Jerusalem është e tmerrshme.

"Ajo që po ndodh në Bregun Perëndimor dhe Jerusalem nuk është më pak e tmerrshme, përsa i përket vrasjeve dhe sulmeve mbi tokat, njerëzit dhe vendet e shenjta, nga duart e forcave okupuese dhe kolonëve terroristë, të cilët kryejnë krime të spastrimit etnik, diskriminimit racor dhe piraterisë të fondeve”, tha Abu Mazen.

Lajmi kryesor:

Lufta/ Ndërpriten sërish komunikimet telefonike dhe interneti në Gaza! Ushtria izraelite: E kemi rrethuar, brenda 48 orëve do fillojmë të hyjmë në qytet

S.S/Shqiptarja.com

TAG:
• Izrael
• lufta ne rripin e gazes
• Antony Blinken
• rripi i gazes