Lufta/ Ndërpriten sërish komunikimet telefonike dhe interneti në Gaza! Ushtria izraelite: E kemi rrethuar, brenda 48 orëve do fillojmë të hyjmë në qytet

Ppa Françesku

Papa Françesku ka zhvilluar një bisedë telefonike me presidentin iranian Ebrahim Raisi. Biseda, sipas Vatikanit, u zhvillua pasdite me kërkesë të presidentit iranian dhe u fokusua në konfliktin në Lindjen e Mesme. Ditët e fundit, Ministri i Jashtëm i Selisë së Shenjtë, Kryepeshkopi Paul Richard Gallagher, pati një bisedë telefonike me homologun e tij iranian Hossein Amir-Abdollahian dhe në bisedën, edhe në këtë rast të kërkuar nga Teherani,  Gallagher shprehu shqetësimin serioz të Selisë së Shenjtë për atë që po ndodh në Izrael dhe Palestinë, duke përsëritur nevojën absolute për të shmangur zgjerimin e konfliktit dhe për të arritur një zgjidhje me dy shtete për një paqe të qëndrueshme në Lindjen e Mesme. Që nga fillimi i luftës midis Hamasit dhe Izraelit, Papa ka folur në telefon me Presidentin e Shteteve të Bashkuara Joe Biden, të Turqisë Rexhep Tajip Erdogan dhe me Presidentin e Autoritetit palestinez Mahmoud Abbas, transmeton La Repubblica.

Zëdhënësi i ushtrisë izraelite ka deklaruar se Hamasi po përdor sistematikisht spitalet në Gaza si mburojë për aktivitetet e tij ushtarake.

Pas akuzave se Hamasi kishte instaluar komandat e tij ushtarake në bazë dhe nën spitalin al-Shifa (kryesori në Gaza), Hagari përmendi këtë të diel edhe spitalin Sheikh Hamed, një institucion i financuar nga Katari, dhe një spital të ndërtuar nga grupe nga Indonezia.

Sekretari amerikan i SHBA-së Antony Blinken dhe Presidenti i Autoritetit palestinez Mahmoud Abbas

Sekretari amerikan i SHBA-së Antony Blinken ka zhvilluar një takim me Presidentin e Autoritetit palestinez Mahmoud Abbas këtë të dielë gjatë një vizite të paparalajmëruar në Bregun Perëndimor.

Blinken konfirmoi angazhimin amerikan për të ofruar ndihmë humanitare dhe për të rifilluar shërbimet thelbësore në Gazë ndërsa lufta e Izraelit kundër Hamasit vazhdon.

Zëdhënësi i Departamentit të Shtetit Mattheë Miller tha se Sekretari Blinken ka theksuar gjatë takimit se  palestinezët nuk duhet të zhvendosen me forcë.

“Sekretari Blinken dhe zoti Abbas diskutuan përpjekjet për të rikthyer qetësinë dhe stabilitetin në Bregun Perëndimor, përfshirë nevojën për të ndaluar dhunën ekstremiste kundër palestinezëve dhe për t'i mbajtur përgjegjës ata që sulmojnë palestinezët”,- është shprehur Miller.

“Sekretari Blinken përsëriti se Shtetet e Bashkuara mbeten të përkushtuara për avancimin e masave të barabarta të dinjitetit dhe sigurisë si për palestinezët ashtu edhe për izraelitët. Sekretari Blinken shprehu gjithashtu angazhimin e Shteteve të Bashkuara për të punuar drejt realizimit të aspiratave legjitime të palestinezëve për krijimin e një shteti palestinez”, - shtoi ai, raporton VOA.

Zëdhënësi ushtarak i Izraelit Daniel Hagari është shprehur se forcat e këmbësorisë izraelite do të fillojnë të hyjnë në brendësi të Gazës;

“Sot kemi rrethuar qytetin e Gazës, brenda 48 orëve do të fillojmë të hyjmë në qytet”,- është shprehur ai, transmeton La Repubblica.

Presidenti turk Rexhep Tajip Erdogan nisi një sulm të ri ndaj Izraelit në një fjalim në Rizunda, në Turqinë verilindore. Duke folur pak orë para vizitës së ministrit të Jashtëm amerikan Anthony Blinken në Turqi, presidenti turk iu referua “detyrës së Turqisë” për të ndalur masakrat në Gaza. Ai u zotua se “nuk do t’i lërë vëllezëri në Gaza vetëm” dhe argumentoi se është një përgjegjësi historike të marrësh një qëndrim të ashpër kundër atyre që mbështesin “këto vrasje”.

“Është detyra jonë të shpëtojmë vëllezërit tanë palestinezë nga shtypja izraelite dhe të ndalojmë masakrat që po ndodhin në Gaza para syve të gjithë botës”, argumentoi ai ndër të tjera.

“Ne nuk do t’i lëmë vëllezërit dhe motrat tona në Gaza vetëm në mes të sulmeve të vazhdueshme izraelite,” tha presidenti turk. “Nëse paqja mbizotëron në rajon, do të mbizotërojë falë nesh. Për sigurinë e zonës do të marrim përgjegjësi dhe do ta arrijmë këtë. Në Ballkan, në Kaukaz, që të mbizotërojë paqja dhe stabiliteti, ne do të marrim një rol aktiv. Nga Afrika në Azi, ne do të qëndrojmë me vëllezërit tanë dhe do të mbrojmë atë që është e drejtë. Vëllezërit dhe motrat tona palestineze po vuajnë nga shtypja izraelite dhe që ata të shpëtohen nga kjo shtypje dhe që masakrat të marrin fund, përsëri ne do të marrim përgjegjësi. Në të gjithë territoret palestineze po masakrohen fëmijë, nëna dhe njerëz të pafajshëm dhe ne nuk do ta lëmë të shkojë. Është një barrë humanitare mbi kurrizin tonë, është një masakër djallëzore. Ata që i mbështesin këto vrasjet e tyre ne do t’i akuzojmë dhe do t’i themi në sy. Është përgjegjësia jonë historike të mbajmë një qëndrim të ashpër”.

Izraeli ka kryer një tjetër sulm ndaj Libanit. Motra dhe tre vajzat, 9, 10 dhe 14 vjeç, të gazetarit të Al Mayadeen, Samir Ayub, të lidhur me Hezbollahun, vdiqën nga sulmi me dron i kryer mbi një makine në Liban. Lajmi u dha nga një kanal televiziv i lidhur me Hezbollahun. Një zëdhënës i Hezbollahut tha se pas këtij sulmi do të ketë pasoja.

Kompania palestineze e telekomunikacionit Paltel ka njoftuar se komunikimet telefonike dhe internetit janë ndërprerë sërish brenda Rripit të Gazës. Për herë të fundit komunikimet ishin ndërprerë më 28 tetor. 

"Rrugët kryesore të komunikimit që ishin rilidhur janë ndërprerë përsëri nga pala izraelite", tha ai.

Ministria e Shëndetësisë e Autoritetit Palestinez, me seli në Bregun Perëndimor, ka bërë me dije bilancin e dëmeve të shkaktuara në Gaza për shkak të luftës.

Sipas raportit, më shumë se 50% e banesave të Gazës janë shkatërruar, gati 70% e popullsisë së saj janë të zhvendosur, 16 nga 35 spitale kanë pushuar së funksionuari, 42 ndërtesa të UNRËA-së janë dëmtuar si dhe të paktën 7 kisha dhe 55 xhami janë dëmtuar, raporton BBC.

Ministri izraelit Amihai Eliyahu, është pezulluar pas deklaratës në një intervistë radiofonike ku tha se mundësia e përdorimit të një bombe bërthamore në Gaza nuk përjashtohet si opsion. Pezullimi i tij erdhi pas presionit ndërkombëtar për shmangien e një katastrofë humanitare. Reagimet ishin të menjëhershme nga kabineti qeveritar, ndërsa në një postim, kryeministri Netanjahu u shpreh se deklaratat nuk janë të bazuara në realitet, dhe se Izraeli po ndjek standardet më të larta ndërkombëtare për shmangien e viktimave civile. 

Udhëheqësi suprem i Iranit Ali Khamenei dhe kreu i byrosë politike të Hamasit, Ismail Haniyeh

Udhëheqësi suprem i Iranit Ali Khamenei, ka zhvilluar një takim me kreun e byrosë politike të Hamasit, Ismail Haniyeh , së bashku me një delegacion në Teheran.

"Politika e përhershme e Republikës Islamike të Iranit është të mbështesë forcat e rezistencës palestineze kundër zionistëve okupatorë. Krimet e regjimit zionist në Gaza mbështeten drejtpërdrejtë nga SHBA-ja dhe disa qeveri perëndimore," tha Khamenei, transmeton La Repubblica.

Kryeministri i Izraelit Benjamin Netanyahu

Kryeministri i Izraelit Benjamin Netanyahu ka deklaruar se nuk do të pranojë propozimetr për armëpushim derisa Hamasi të lirojë pengjet izraelite.

"Nuk do të ketë armëpushim derisa të kthehen pengjet izraelitë. Ne ua kemi thënë miqve dhe armiqve tanë. Ne do të vazhdojmë derisa t'i mposhtim ata." tha Netanyahu, transmeton La Repubblica.

Pamje nga tunelet nëntokësore të Hamasit

Pas 30 ditësh lufte, Izraeli vazhdoi sulmin brutal ndaj Hamasit gjatë natës, me avionët e IDF-së që goditën një 'bazë terroriste', trupat që luftonin militantët në 'lagjet e afërta' dhe çmontuan një pjesë të rrjetit të tuneleve të grupit në Gazën veriore.

Videoja e shpërndarë në mediat sociale të IDF-së zbuloi gjithashtu se ata zbulonin tunelet e fshehura të një prej grupeve terroriste, të konsideruara prej kohësh si një sfidë kryesore e sigurisë, e përdorur në të kaluarën për kontrabandë dhe inkursione në Izrael, si dhe një pengesë serioze për forcat izraelite që përpiqen të veprojnë në Gaza. 

“Derisa Hamasi po pengon largimin e civilëve në pjesën jugore të Rripit të Gazës, militantët po fshihen brenda rrjetit të tuneleve nëntokësore”, thuhet në postimin e IDF-së në platformën X.

Në kuadër të këtij operacioni izraelitët kanë publikuar pamjet e hyrjeve në tunele ku ka ndërhyrja IDF-ja. Ndërkohë edhe sot kanë vazhduar sulmet ajrore, tokësore dhe nga deti nga ana e ushtrisë izraelite, duke pranuar se kanë goditur mijëra objektiva të Hamasit, raporton Daily Mail.

Më shumë se 240 pengje izraelitë dhe të huaj u rrëmbyen nga Hamasi gjatë sulmit të 7 tetorit, thonë zyrtarët, dhe kryeministri izraelit Benjamin Netanyahu hodhi poshtë propozimet për një armëpushim derisa grupi islamik t'i lirojë të gjithë.

Izraeli tha të enjten se kishte goditur 12,000 objektiva në të gjithë Gazën gjatë luftës, një nga fushatat më të ashpra të bombardimeve në kujtimet e fundit. Ministria e Shëndetësisë në Gaza, e cila drejtohet nga Hamasi, thotë se më shumë se 9,480 banorë të Gazës, kryesisht gra dhe fëmijë, janë vrarë në sulmet izraelite dhe intensifikimin e fushatës tokësore.

Në sulmin e fundit në Gaza, ministria e shëndetësisë e drejtuar nga Hamasi tha se një bombardim izraelit në kampin e refugjatëve Al-Maghazi të shtunën vonë vrau 30 njerëz.

“Një sulm ajror izraelit shënjestroi shtëpinë e fqinjëve të mi në kampin Al-Maghazi, shtëpia ime fqinje u shemb pjesërisht”, tha Mohammed Alaloul, 37 vjeç, një gazetar që punon për Agjencinë Turke Anadolu. 

 

Agjencia e lajmeve Reuters ka publikuar imazhet e kampit të refugjatëve al-Maghazi këtë mëngjes, si pasojë e asaj që ministria e shëndetësisë e drejtuar nga Hamasi tha se kishte ndodhur një sulm ajror vdekjeprurës mbrëmjen e së shtunës (4 Nëntor).

Ministria e shëndetësisë e drejtuar nga Hamasi tha se mbi 30 njerëz u vranë.  Sipas agjencisë së lajmeve AFP, një zëdhënës i ushtrisë izraelite tha se ata po shqyrtonin nëse IDF kishte vepruar në zonë në atë kohë.

BBC nuk ka qenë në gjendje të verifikojë në mënyrë të pavarur shifrat e viktimave apo atë që ka ndodhur.

Imazhi i shkatërrimit në kampin e refugjatëve al-Maghazi

Imazhi i shkatërrimit në kampin e refugjatëve al-Maghazi

Mohammad Reza Ashtiani

Ministri i Mbrojtjes i Iranit, Mohammad Reza Ashtiani, ka paralajmëruar se SHBA do të “goditet fort” nëse nuk ka armëpushim në Gaza. 

“Këshilla jonë për amerikanët është që menjëherë të ndalojnë luftën dhe të zbatojnë armëpushimin, përndryshe do të goditeni rëndë”, tha ministri Mohammad Reza Ashtiani.

Foto nga Rripi i Gazës

Numri i ushtarëve izraelitë të vrarë që nga fillimi i luftës tani është rritur në 346, duke përfshirë 32 që vdiqën pasi trupat izraelite hynë në Gaza.

Yehonatan Maimon, 20 vjeç, u vra të shtunën ndërsa luftonte në veri të brezit, tha ushtria, raporton Al Jazeera.

Ndërkaq, ministria palestineze e Shëndetësisë ka raportuar se numri i të vdekurve në enklavën e rrethuar është rritur në 9,770, përfshirë 4,880 fëmijë, që nga 7 tetori.

Abu Mazen dhe Antony Blinken

Në takimin që po zhvillohet mes sekretarit amerikan, Antony Blinken dhe presidentit, Abu Mazen, ky i fundit parashtroi pyetjen "si mund të heshtim për vrasjen e 10 mijë palestinezëve".

“Si mund të heshtim për vrasjen e 10 mijë palestinezëve, duke përfshirë 4,000 fëmijë, dhjetëra mijëra të plagosur, dhe shkatërrimin e dhjetëra mijëra njësive të banimit, infrastrukturës, spitaleve, qendrave të pritjes dhe rezervuarëve të ujit”, tha Abu Mazen.

Po ashtu ai shtoi se ajo që po ndodhte në Bregun Perëndimor dhe Jerusalem është e tmerrshme.

"Ajo që po ndodh në Bregun Perëndimor dhe Jerusalem nuk është më pak e tmerrshme, përsa i përket vrasjeve dhe sulmeve mbi tokat, njerëzit dhe vendet e shenjta, nga duart e forcave okupuese dhe kolonëve terroristë, të cilët kryejnë krime të spastrimit etnik, diskriminimit racor dhe piraterisë të fondeve”, tha Abu Mazen.

Pamje nga protesta

Disa persona u mblodhën në Ramallah më herët për të protestuar ndaj mbështetjes së SHBA-së për Izraelin dhe vizitës së Antony Blinken në Bregun Perëndimor.

Një demonstrues i zemëruar i vuri flakën një fotografie të Sekretarit të Shtetit të SHBA-së, ndërsa të tjerët mbanin postera duke thënë "jashtë" dhe "gjak në duart tuaja", raporton SkyNews.

Protesta erdhi pavarësisht nga niveli i lartë i fshehtësisë rreth vizitës, me takimin midis Blinken dhe presidentit palestinez Mahmoud Abbas që nuk u konfirmua derisa ai u largua.

Antony Blinken

Milicia pro-iraniane, Kataib Hezbollah, ka paralajmëruar Shtetet e Bashkuara se do të sulmojnë ambasadën amerikane në Irak nëse Sekretari i Shtetit, Antony Blinken, viziton vendin si pjesë e turneut të tij rajonal në Lindjen e Mesme. 

Shefi i sigurisë i grupit paraushtarak shiit irakian që është pjesë e Forcave të Mobilizimit Popullor të mbështetur nga Irani, Abu Ali al Askari, siguroi sot se Blinken "nuk është i mirëpritur" dhe se nëse vizita zhvillohet, përgjigja do të jetë "një "e paprecedentë". përshkallëzimi”, i cili, premton ai, nuk do të jetë paqësor, transmeton gazeta irakiane Shafaq. 

I njëjti publikim kishte raportuar më parë për vizitën e Blinken në vend për t'u takuar me kryeministrin Mohamad Shia al Sudani. As autoritetet irakiane dhe as ato amerikane nuk e kanë konfirmuar këtë.

Presidenti palestinez, Abu Mazen

Presidenti palestinez, Abu Mazen, i tha Sekretarit Amerikan të Shtetit, Antony Blinken, në Ramallah se duhet të ketë një "armëpushim të menjëhershëm" në Gaza në mënyrë që ndihma humanitare të mund të hyjë në Rripin e Gazës, tha zëdhënësi i tij Nabil Abu Rudeineh.

Shtetet e Bashkuara deri më tani i kanë rezistuar thirrjeve për një armëpushim, duke thënë se kjo do t'i japë Hamasit kohë për t'u rigrupuar.

Presidenti iranian, Ebrahim Raisi

Presidenti iranian, Ebrahim Raisi, në një bisedë telefonike me kryeministrin norvegjez, Jonas Gahr Store, mbrëmjen e djeshme (4 Nëntor), tha se Izraeli dhe SHBA duhet të dënohen për krime lufte. 

"Regjimi sionist dhe mbështetësit e tij, SHBA, duhet të mbajnë përgjegjësi dhe të dënohen për krimet e luftës të kryera në Gaza", tha Raisi.

Ai gjithashtu shtoi se heshtja e SHBA-së dhe e disa vendeve të tjera dhe furnizimeve të tyre me armë në Izrael janë dëshmi e standardeve të dyfishta të Perëndimit dhe bashkëpunimit të tyre në krimet e sionistëve.

“Heshtja e Shteteve të Bashkuara dhe e një numri vendesh evropiane dhe furnizimi i tyre me armë në Izrael janë dëshmi e standardeve të dyfishta të Perëndimit dhe bashkëpunimit të tyre në krimet e sionistëve”, tha Raisi.

Foto ilustruese në Gaza

Izraeli po punon për të shpërndarë pamjet e masakrave të kryera nga Hamasi më 7 tetor në parlamentet dhe zyrat e shtypit në mbarë botën, me rekomandimin e ministrit të Jashtëm Eli Cohen. 

Qeveritë e Shteteve të Bashkuara, Gjermanisë, Mbretërisë së Bashkuar dhe Japonisë i kanë parë tashmë videot, të cilat fillimisht iu shfaqën gazetarëve në Izrael dhe më vonë në Knesset.

"Përbindëshat e Hamasit kanë dokumentuar mizoritë e tyre kundër civilëve tanë duke përdorur mburrje ç'njerëzore. Ne do t'i tregojmë gjithë botës, përmes shfaqjes së filmave, mizorinë e pabesueshme të terroristëve gjakatarë që vranë familje të tëra dhe festuan dhunën e tyre", tha Cohen

Ministri i Jashtëm iranian, Hossein Amir Abdollahian, foli me homologun e tij irakian, Fouad Hussein, dhe i tha atij se "zgjerimi i luftës është i pashmangshëm në dritën e përshkallëzimit dhe agresionit kundër civilëve".

Ai shtoi se "mbështetja amerikane ndaj Izraelit është arsyeja kryesore për përshkallëzimi i situatës aktuale në rajon”. 

Lajmi është bërë i ditur nga agjencia iraniane e lajmeve IRNA. Sipas rrjetit libanez Al-Mayadeen , i cili është afër Hezbollahut, kryeministri irakian Mohammad Shia al-Sudani do të udhëtojë nesër në Teheran për të diskutuar mbi zhvillimet e fundit në rajon.

Ministrja e Jashtme franceze, Catherine Colonna, ka bërë thirrje për një "armëpushim të menjëhershëm humanitar" në luftën midis Izraelit dhe Hamasit.

“Një armëpushim humanitar i menjëhershëm, i vazhdueshëm dhe i qëndrueshëm është absolutisht i nevojshëm dhe duhet të jetë në gjendje të çojë në një armëpushim”, tha Catherine, pas një takimi në Doha me homologun e tij nga Katari.

Colonna nënvizoi se Franca po punon për të siguruar që një tekst për këtë të miratohet nga Këshilli i Sigurimit i OKB-së, i cili megjithatë ka qenë shumë i ndarë për këtë temë që nga fillimi i luftës.

Antony Blinken dhe Mahmoud Abbas

Sekretari amerikan i Shtetit, Antony Blinken, ka mbërritur në Ramallah, në Bregun Perëndimor, ku është takuar me presidentin palestinez Mahmoud Abbas.

Rreth 200 njerëz janë mbledhur në qytet për të protestuar kundër vizitës së sekretarit amerikan të shtetit.

Kjo shënon vizitën e parë të Blinken në rajonin e pushtuar që nga shpërthimi i konfliktit dhe pason vizitat në Izrael, ku zhvilloi takime me Benjamin Netanyahu dhe Jordani.

Ajo çfarë mbeti në festivalin SuperNova pas masakrës nga Hamasi më 7 tetor me mbi 250 të vdekur, është regjistruar. Ushtria izraelite ka postuar një video.

Në pamjet e shpërndara,  janë ushtarët izraelitë kur mbërrijnë në zone. Por  tashmë ishte tepër vonë, pasi e gjithë sipërfaqja ishte mbushur me trupat e vrarë

Oficeri pa me shpejtësi një nga karvanët. “Kush është brenda” bërtiti ai në hebraisht.

Ai eci nëpër pjesën tjetër të terrenit të festivalit, duke kërkuar për të mbijetuar pas sulmit.

Shumë prej tyre ishin grumbulluar duke zbuluar momentet dramatike të fundit ku pjesëmarrësit e festivalit pranë frigoriferëve, në përpjekje për tu fshihur nga vrulli vrastar i terroristëve që i gjetën dhe i qëlluan me gjakftohtësi.

Pamjet vijnë nga kamera e një ushtari izraelit, i cili shkoi në vend dhe bashkë me kolegët po hetonin nëse kishte ndonjë të mbijetuar ose nëse terroristët e Hamasit janë ende atje.  

Forcat izraelite intensifikuan bastisjet, dhunën dhe arrestimet në Bregun Perëndimor mbrëmjen e së shtunës. Deri më tani, ushtria izraelite ka arrestuar të paktën 46 palestinezë në të gjithë Bregun Perëndimor të pushtuar, sipas agjencisë palestineze të lajmeve Wafa.

Në Ramallah, ushtria izraelite bastisi shtëpitë në qytetet Birzeit dhe Bil’in dhe arrestoi të paktën 14 palestinezë. Të paktën 14 persona duke përfshirë 10 punëtorë të zhvendosur nga Gaza u arrestuan gjithashtu në Hebron.

Arrestime u bënë edhe në Jenin me të paktën nëntë persona të ndaluar. Ndërkohë në Nablus u arrestuan edhe katër palestinezë të tjerë, raporton NewsSky.

Aeroplanët luftarakë izraelitë kanë goditur kampin e refugjatëve Maghaza në Rripin e Gazës në orët e para të së dielës, duke i vrarë të paktën 51 persona dhe duke plagosur dhjetëra të tjerë, tha Dr. Khalil Al-Daqran, kreu i infermierisë në Spitalin e Martirëve Al-Aksa në Deir Al-Balah.

“Një nga shtëpitë në kamp u godit. Kjo shtëpi ishte e mbushur me banorë. Banorët e saj u bombarduan ndërsa ishin të sigurt në shtëpitë e tyre”, tha Dr. Al-Daqran.

Për këtë sulm është raportuar teksa Izraeli është zotuar se do ta zhvillojë ofensivën për ta shkatërruar grupin militant Hamas, që e udhëheq Gazën, pavarësisht thirrjeve të Shteteve të Bashkuara për pauzë, që të ndihmohen civilët e dëshpëruar. Rritja e numrit të viktimave në Gazë ka nxitur zemërim ndërkombëtar, pasi dhjetëra mijëra njerëz, nga Uashingtoni deri në Berlin kanë dalë nëpër rrugë të shtunën, për të kërkuar armëpushim të menjëhershëm.

Izraeli e ka hedhur poshtë këtë ide për ndalje të ofensivës, qoftë edhe për pauza të shkurtra humanitare, të propozuara nga Sekretari amerikan i Shtetit, Antony Blinken, gjatë vizitës që është duke e zhvilluar në rajon.

Përkundrazi, Izraeli ka thënë se liderët e ngujuar të Hamasit në Gazë, janë duke i luftuar ushtarët e tij me “forcë të plotë”.

“Secili në qytetin e Gazës është duke e rrezikuar jetën e vet”, tha ministri izraelit i Mbrojtjes, Yoav Gallant.

Banori i kampit Al-Maghazi, Jamal Al Aloul tha se ai po flinte i qetë kur papritmas “e gjithë ndërtesa ra mbi ne”. Ai tha se dy fëmijët e tij u vranë nga shembja. Ai tha se nuk e dinte se kush ishte vrarë, por kishte shumë njerëz të tjerë në ndërtesë.

“Pashë një dritë të kuqe, pastaj po dridheshim në divan, pashë të gjitha motrat e mia duke bërtitur…kur e gjeta veten gjallë, shikova të shihja se kush është ende gjallë”, tha Samah Shaqoura, një tjetër banore e kampit.

Kampi i refugjatëve Al-Maghazi ndodhet në pjesën qendrore të enklavës bregdetare në jug të Wadi Gazës. Sipas Agjencisë së Kombeve të Bashkuara për Ndihmë dhe Punë, kampi karakterizohet nga rrugica të ngushta dhe një dendësi e lartë popullsie me mbi 33 mijë njerëz që jetojnë në një sipërfaqe prej jo më shumë se 0.6 kilometra katrorë.

Forcat Mbrojtëse të Izraelit të njohura si IDF kanë njoftuar se forcat tokësore, ajrore dhe ato detare kanë sulmuar mbi 2500 objektiva të militantëve të Hamasit, që nga fillimi i konfliktit në Gaza.

Gjatë mbrëmjes së kaluar, thuhet në raportin e ushtrisë izraelitë se trupat e tyre me aeroplanë kanë sulmuar kompleksin ushtarak të Hamasit, për të cilin pretendojnë se përmbante “qendër komanduese dhe pika vrojtimi”.

Gjithashtu kanë bërë të ditur se po vazhdojnë me “eliminimin e terroristëve”. Në anën tjetër akoma mbetet e paqartë se çfarë ka ndodhur mbrëmë, por nga ministria e Shëndetësisë në Gaza që udhëhiqet nga Hamasi, thuhet se mbi 30 persona janë vrarë në sulmet ajrore të izraelitëve në kampin e refugjatëve, raporton gazeta izraelite.

Ndërsa  izraelitët kanë bërë të ditur se po hetojnë nëse trupat e tyre në atë kohë po operonin në atë zonë.

Ministria e Shëndetësisë në Gazë ka njoftuar se mbi 9.400 persona janë vrarë nga 7 tetori, kur izraelitët filluan bombardimet në Rripin e Gazës në shenjë hakmarrje ndaj sulmit të Hamasit mbi qytetet izraelite, ku si pasojë humbën jetën 1.400 persona dhe 240 tjerë u morën peng.

Ushtria izraelite njoftoi së fundmi se do të lejojë një periudhë të shkurtër kohe për banorët në veri të Gazës që të lëvizin në jug përtej Wadi Gazës.

Sipas zëdhënësit arab të IDF-së, Avichay Adraee, trafiku do të lejohet në rrugën Salah al-Din të dielën nga ora 10:00 deri në orën 14:00. Këtë ai e shkroi në llogarinë e tij X (ish-Twitter), raporton media indiane.

"Për sigurinë tuaj, përfitoni nga koha për të lëvizur në jug përtej Wadi Gazës", tha ai.

Ai shtoi se Hamasi filloi një sulm me mortaja dhe predha antitank ndaj forcave izraelite që ishin vendosur të shtunën për të hapur të njëjtën rrugë dhe për të lejuar evakuimin e civilëve.

Megjithëse shumë kanë këmbëngulur të qëndrojnë në veri të enklavës, duke përmendur shqetësimet humanitare dhe sulmet ajrore që ndodhin edhe në jug, vlerësohet se 800 mijë njerëz janë zhvendosur në jug deri më tani.

Mes sulmit të pamëshirshëm ndaj Hamasit pas sulmeve terroriste të 7 tetorit, forcat tokësore izraelite eliminuan 15 terroristë dhe shkatërruan infrastrukturën e grupit në Gaza.

Gjatë ditëve të fundit, ushtarët e Korpusit të Blinduar dhe Inteligjencës, nën komandën e Divizionit 460, në Rripin verior të Gazës janë përballur me tentativa për sulme përmes sistemeve të tuneleve dhe objekteve ushtarake të Hamasit, informoi IDF të shtunën në mëngjes.

Forcat IDF ndërmorën veprime vendimtare për të eliminuar terroristët aktivë në zonë, ekspozuan hyrjet e tuneleve të përdorura për qëllime terroriste dhe identifikuan mjetet e luftës të organizatës, raportoi The Jerusalem Post.

Në një operacion të veçantë në Rripin jugor të Gazës, forcat e Inxhinierisë dhe Zbulimit, nën komandën e Divizionit të Gazës, ekzekutuan një stërvitje për hartimin e ndërtesave dhe neutralizuan në mënyrë të sigurt mjetet shpërthyese.

Gjatë këtij operacioni, forcat u ndeshën me një grup terroristësh që dilnin nga një hyrje tuneli, thuhet në raport, duke shtuar se ushtarët, si kundërpërgjigje, lëshuan raketa, duke eliminuar në mënyrë efektive kërcënimin.

Policia në Jerusalem ndaloi protestuesit mbrëmjen e së shtunës, të cilët protestuan jashtë rezidencës së kryeministrit izraelit, Benjamin Netanyahu.

Turma kaloi përmes barrierave të policisë rreth rezidencës së Netanyahut në Jerusalem duke valëvitur flamujt izraelitë.

Në Tel Aviv, mijëra demonstruan gjithashtu, duke valëvitur flamuj dhe duke mbajtur fotografi të disa prej robërve në Gaza, raporton Al Jazeera.

Protestat erdhën pasi një sondazh për Televizionin izraelit Channel 13 zbuloi se 76% e izraelitëve mendonin se Netanyahu duhet të jepte dorëheqjen dhe 64% thanë se vendi duhet të mbajë zgjedhje menjëherë pas luftës.

Sekretari amerikan i Shtetit, Antony Blinken, do të vizitojë Turqinë të dielën, sipas Departamentit Amerikan të Shtetit, ku do të qëndrojë deri të hënën pasdite.

Nuk dihet ende se me kë do të takohet Sekretari Amerikan i Shtetit.

Javën e kaluar presidenti i Turqisë, Recep Tayyip Erdogan, e quajti Hamasin një grup “çlirimtar” dhe akuzoi Izraelin se sillet si “kriminel lufte”.

Izraeli u përgjigj duke urdhëruar diplomatët e tij në Turqi të kthehen.

Ish-presidenti i SHBA-së, Barack Obama ka bërë thirrje për një kuptim të nuancuar të luftës izraelito-Hamas, duke kritikuar narrativat e mediave sociale rreth konfliktit dhe duke këmbëngulur se “duart e askujt nuk janë të pastra”.

Duke folur në një intervistë me ish-punonjësit e tij të shtunën, Obama tha se sulmet e Hamasit të 7 tetorit ndaj komuniteteve izraelite ishin “të tmerrshme” dhe se ajo që po ndodh me palestinezët është “e padurueshme”.

“Nëse ka ndonjë shans që ne të jemi në gjendje të veprojmë, në mënyrë konstruktive, për të bërë diçka, kjo do të kërkojë një pranim të kompleksitetit dhe mbajtjen e asaj që në sipërfaqe mund të duket ide kontradiktore: Se ajo që bëri Hamasi ishte e tmerrshme – dhe nuk ka asnjë justifikim për të – dhe ajo që është gjithashtu e vërtetë është se okupimi dhe ajo që po ndodh me palestinezët është e padurueshme. Dhe ajo që është gjithashtu e vërtetë është se ekziston një histori e popullit hebre që mund të shkarkohet nëse gjyshërit ose stërprindërit tuaj ose xhaxhai ose halla juaj nuk ju tregojnë histori për çmendurinë e antisemitizmit, ata që u vranë në Gaza përfshinin palestinezë që nuk kishin asnjë lidhje me atë që bëri Hamasi”, tha Obama në një intervistë për podkastin Pod Save America, raporton Al Jazeera.

Obama, i cili mori detyrën si president me premtime për të zgjidhur konfliktin Izrael-Palestinë, kritikoi gjithashtu “aktivizmin e TikTok” që ai tha se injoronte kompleksitetin e çështjes.

“Ju mund të pretendoni të flisni të vërtetën, mund të flisni njërën anë të së vërtetës dhe në disa raste mund të përpiqeni të ruani pafajësinë tuaj morale, por kjo nuk do ta zgjidhë problemin. Dhe kështu, nëse doni ta zgjidhni problemin, duhet të pranoni të gjithë të vërtetën dhe duhet të pranoni se duart e askujt nuk janë të pastra, se të gjithë ne jemi bashkëpunëtorë në një farë mase", tha Obama.

Izraeli ka bombarduar Universitetin Al-Azhar në Gaza, sipas një video të postuar në platformën X nga zëvendësministri i Jashtëm i Palestinës, Amal Jadou. Bombardimi ndodhi të shtunën në mëngjes, sipas korrespondentit të Al Jazeera.

Ndërsa, një dron izraelit qëlloi një raketë në shtëpinë e liderit të Hamasit Ismail Haniyeh në Gaza, e cila është jashtë enklavës.

Nuk ka informacion nëse ndonjë anëtar i familjes së tij ndodhej në shtëpi në momentin e sulmit. Haniyeh ka qenë jashtë Rripit të Gazës që nga viti 2019, duke lëvizur midis Turqisë dhe Katarit. 

Mijëra protestues dolën në rrugët e Uashingtonit për të kërkuar një armëpushim në Gaza dhe kundërshtuan ashpër mbështetjen e siguruar për Izraelin nga presidenti Joe Biden, i përcaktuar në sloganet si "Genocidi Joe". 

Demonstrata, gjatë së cilës pjesëmarrësit valëvitën flamujt palestinezë, ishte më e madhja e mbajtur në Uashington që nga fillimi i konfliktit Izrael-Hamas më 7 tetor. 

"Palestinë e lirë, e lirë" dhe "Një fund i menjëhershëm rrethimit të Gazës", bërtitën demonstruesit, të cilët synonin presidentin duke brohoritur "Biden, Biden nuk mund të fshihesh, ti nënshkrove gjenocidin" dhe "Ne themi jo, gjenocidi Joe".