POP 5

Lajmet më të lexuara të 5 minutave të fundit

Kronikë

Abuzimi me tenderin 24 mln lekë për kanalin ujitës, GJKKO lë në burg Fatos Tushen edhe 6 zyrtarë të tjerë, juristja qan pas vendimit! Arrest shtëpie për 4 të tjerët

GJKKO ka lënë sot në burg ish-kreun e Bashkisë së Lushnjes, Fatos Tushen. E njëjta masë sigurie është komunikuar edhe për 6 të arrestuarit e tjerë, ndërsa 4 prej tyre janë lënë në 'arrest shtëpie'. Vendimi u mor pas një seance maratonë në GjKKO që nisi sot në orën 10:00, ku më pas u konfirmuan të njëjtat masa sigurie të dhëna në mungesë.

GJKKO ka lënë sot në burg ish-kreun e Bashkisë së Lushnjes, Fatos Tushen, duke mos ndryshuar masat e sigurisë të dhëna në mungesë. Po kështu u lanë në burg edhe 6 të arrestuarit e tjerë, ndërsa 4 prej tyre janë lënë në 'arrest shtëpie'. Gazetari i "Report TV", Arsen Rusta bën me dije se Tushe ka qenë i pranishëm në seancë dhe nëpërmjet mbrojtjes ka kërkuar heqjen e arrestit dhe pushimin e akuzës, me argumentin se, sipas tij, nuk ka kryer veprat penale të korrupsionit apo shpërdorimit të detyrës, por ka zbatuar ligjin. Megjithatë, kjo kërkesë është rrëzuar.

E përlotur e ka pritur vendimin e Gjykatës 'arrest në burg' Blerta Turku, zyrtare e Ndërmarrjes së Pasurisë Publike në Bashkinë e Lushnjës, e cila ka deklaruar se 'jam vetëm juriste dhe nuk kam asgjë në dorë, pse duhet të qëndroj në qeli', por edhe kjo kërkesë e saj nuk është pranuar nga Gjykata, duke lënë masën e sigurisë arrest në burg.

Fatos Tushe u arrestua dy ditë më parë nga SPAK për shpërdorim detyre në lidhje me një tender abuziv me vlerë 24 mln lekë për rehabilitimin e kanalit ujitës. Kryebashkiakut Tushe iu vunë pranga në zyrën e tij, ndërsa bashkë më të u arrestuan edhe 8 zyrtarë të bashkisë Lushnje dhe 2 biznesmenë, Ibrahim Lami dhe Bujar Murati. Ndërkohë ditën e sotme, "Report Tv" siguroi sot edhe dosjen e hetimeve, ku faktohet bashkëpunimi i Tushes dhe Flamur Peqinit, Drejtor i Ndërmarrjes së Pasurisë Publike, në tenderin korruptiv për rehabilitimin e  kanalit ujitës në fshatin Bishthëm dhe Bitaj.

Tushe u shkarkua nga detyra një ditë më parë nga kryeministri Edi Rama pas aferave korruptive në të cilat ai ishte përfshirë.

Masat e sigurisë:

Arrest me burg
Fatos Tushe, me detyrë Kryetar i Bashkisë Lushnjë
Flamur Peqini, me detyrë Drejtor i Ndërmarrjes së Pasurisë Publike në Bashkinë Lushnjë
Ibrahim Lami, administrator i kompanisë Loti shpk
Bujar Murati, administrator i kompanisë Euro Alb shpk
Gazmend Çela, zyrtar i Ndërmarrjes së Pasurisë Publike në Bashkinë e Lushnjës
Bektash Nexha zyrtar i Ndërmarrjes së Pasurisë Publike në Bashkinë e Lushnjës
Blerta Turku, zyrtare e Ndërmarrjes së Pasurisë Publike në Bashkinë e Lushnjës

Në arrest shtëpie
Margarita Gjermeni, zyrtare e Ndërmarrjes së Pasurisë Publike në Bashkinë e Lushnjës
Andri Musho, zyrtar i Ndërmarrjes së Pasurisë Publike në Bashkinë e Lushnjës
Ani Simoni, zyrtare e Ndërmarrjes së Pasurisë Publike në Bashkinë e Lushnjës
Xhemal Hasko, zyrtar i Ndërmarrjes së Pasurisë Publike në Bashkinë e Lushnjës

 

Rendit zhvillimet sipas orarit:
Ora 18:55
U la në burg nga GJKKO, dalin fotot e ish-kryebashkiakut të Lushnjes, Fatos Tushe pas qelisë së qelqtë në Gjykatë

1625762803_tusha.jpg

Ish-kryebashkiaku i Lushnjes, Fatos Tushe në Gjykatë

"Report Tv: ka siguruar foto të ish-kryebashkiakut të Lushnjes, Fatos Tushe, i cili ka pritur vendimin e GJKKO i ulur në qelinë e qelqtë të Gjykatës. Pas nëj seance maratonë, Tushe u la sot në burg, i akuzuar për "shpërdorim detyre" në lidhje me një tender abuziv me vlerë 24 mln lekë për rehabilitimin e kanalit ujitës. Po ashtu në burg u lan edhe 6 bashkëpunëtorët e tjerë të tij, Flamuri Peqinin, Ibrahim Lamin, Bujar Murati, Bektash Nexha, Blerta Turku dhe Gazmend Çela, ndërsa në arrest shtëpie u lanë Xhemal Haskon, Margarita Gjermënin, Andri Mushon dhe Ani Simonin.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fshati: 08/07/2021 19:24

    Juristja ne se nuk bindej largohej per paaftesi

    Përgjigju
  • Njoni: 08/07/2021 19:09

    Shkoni dhe merrni dosjet në komunen ballagat e shikoni sesa kan vjedh me milljona .seky atje ka qen mesues . Dhe tenderat me rruget I ka bo sic I ka dash qefi rrugen nuk jan shtru fare e leket I ndante me kreret e komunes ballagat . Me (bashkim myftarin). (neshat sharken ). (. qani grecen ). e te tjete. Shkoni e shikoni bonin 2 klm rruge e shkrunin 7.

    Përgjigju
  • Trrnaskop Kacija: 08/07/2021 18:59

    Cudi shqiptare Sa here bien ne pranga ose perfundojne ne burg keta ose shtrohen ne spital ose nxjerrin raporte mjekesore

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Fushë Arrëz/ Reshjet e dëborës vështirësojnë qarkullimin në Iballë, borëpastrueset në terren

Fushë Arrëz/ Reshjet e dëborës vështirësojnë qarkullimin në Iballë, borëpastrueset në terren

26 Dhjetor, 09:38