POP 5

Lajmet më të lexuara të 5 minutave të fundit

Politikë

ADK, Bushati: Duam respektim të
marrëveshjes bashkëqeverisëse

U mblodh dje Këshilli Drejtues i Qarkut të Tiranës i ADK ku morën pjesë drejtuesit e degëve të Tiranës, Kamzës, Vorës, Kavajës dhe Rrogozhinës.
U mblodh dje Këshilli Drejtues i Qarkut të Tiranës i ADK ku morën pjesë drejtuesit e degëve të Tiranës, Kamzës, Vorës, Kavajës dhe Rrogozhinës. Kreu i ADK, Zef Bushati theksoi rëndësinë e partisë së tij në qeverisje. “Në konferencën e përbashkët me z.Rama nënvizuam rëndësinë e bashkëpunimit për arritjen e fitores në zgjedhje.

Z.Rama e vlerësoi kontributin e demokristianëve si një vlerë e shtuar në koalicion. Sot mbas fitores së koalicionit ADK ka përpara një mision të ri.

Demokristianët do kenë rolin e tyre në realizimin e programit të qeverisë “Rama”.

Të punojmë me përkushtim për zbatimin konkret të rolit tonë, ky është objektivi ynë dhe misioni që kemi marrë përsipër”, tha Bushati. Për të nuk duhet të ketë devijim nga rruga e nisur. “Nëse nuk do të ketë respektim të marrëveshtjes përgjegjësia s’bie mbi ADK, por mbi ata që nuk u treguan korrektë dhe prishën marrëveshjen me demokristianët.

Rruga politike është e gjatë. ADK nuk ka hyrë në politikë për karrige, por për të realizuar misionin e saj, për të implementuar pjesë të programit te saj nëpërmjet detyrave në kabinetin qeveritar. Në rrugën tonë kërkohet të jemi të bashkuar, të fortë. ADK është portë e hapur mirëpret gjithë demokristianët që duan të bashkëpunojnë me ne”, tha Bushati.

Ndërsa nënkryetari i ADK Kujtim Gjuzi nënvizoi rëndesinë zgjerimit dhe forcimit të mëtejshëm të ADK që do ti shërbejë përgatitjeve e pjesmarrjes në zgjedhjet e ardhshme lokale. “ADK do kandidojë ne gjithë bashkite e komunat me kandidatët e saj. Jemi partia më serioze, me e organizuar e demokristianëve. Do shndërrohemi lokomotiva që do drejtojë të gjithë vagonët e trenit demokristian në Shqipëri”, tha Gjuzi.

Shkrimi u publikua sot (15.09.2013) në gazetën Shqiptarja.com (print)

Redaksia Online
(a.ç/shqiptarja.com)
 

/Shqiptarja.com
  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Zelensky: Ukraina nuk do t’i njohë bisedimet SHBA-Rusi në Arabinë Saudite

Zelensky: Ukraina nuk do t’i njohë bisedimet SHBA-Rusi në Arabinë Saudite

17 Shkurt, 17:14