Adrola Dushi, një nuse si në
përralla, me fustan të bardhë në pajton

“Miss Albania 2012”, Adrola Dushi, më në fund ka realizuar ëndrrën e saj, ka veshur fustanin e bardhë të nusërisë. Bukuroshja 21 vjeçare nga Rrësheni e cila u kurorëzua si më e bukura dy vite më parë, këtë fundjavë ka kurorëzuar martesën përmes një ceremonie përrallore më bashkëshortin e saj, Adis Patushin.

Çifti Adrola dhe Adis, të cilët kurorëzuan martesën këtë të dielë, prej një viti ishin bërë prindër të djalit 1 vjeçar, Troi. Ishte pikërisht ky lajm ai që surpizoi për shtatzaninë e parakohsshme të vajzës nga Rrësheni, e cila në kaq pak kohë i ndryshoi jeta duke marrë edhe vlerësimet maksimale për bukurinë që e karakterizon.

Veç suprizave dhe të ftuarëve special, kjo ceremoni martesore është bërë dhe më atraktive kur Adrola është veshur me fustan të bardh nuserie dhe është shfaqur në pajton, një dasëm e ndërthurur mes traditës dhe modernes.

Gjatë këtij viti që sapo lamë pas, modelja Dushi është shprehur ne media, shumë e lumtur si mama dhe përkrah bashkëshortit të saj, Adis. Ndërkohë, gjatë këtij viti Adrola ka lënë pas shumë angazhime në modeling duke u kujdesur vetëm për Troin e vogël.

Siç shihet edhe në foto, Adrola është sërish në formë të shkëlqyer, ku pas eksperiencës së saj si imazh i një marke veshjesh dhe po ashtu e pranishme në jurinë e “Miss Universe Albania 2013”, do të jetë sërish prezente në fushën e modës.



Shkrimi u botua në numrin e sotëm të gazetës "Shqiptarja.com",versioni print

Redaksia Online
(xh.k/shqiptarja.com)