Ditën e djeshme është ulur avioni i parë në Aeroportin e Kukësit 'Zayed, Flatrat e Veriut' me udhëtarët e parë të cilët kanë qenë emigratë nga Londra së bashku me kryeministrin Edi Rama.
Pak më vonë kryeministri Edi Rama ka publikuar foto me njërin prej emigratëve, i cili quhet Eduard Rama, por kryeministri e quan Edi i PD.
“Dy adashë. Majtas Ed Rama i PD, kuksian Londre, djathtas Ed Rama i PS, katunar Surreli”, shkruan Rama krahas fotos.
Edhe ditën e djeshme Rama ka publikuar momente nga udhëtimi me avion me emigratët nga Rinasi në Kukës. Avioni "Air Albania" u nis nga Londra ku mori emigrantë shqiptarë në Britaninë e Madhe, më pas është ndalur fillimisht në Rinas ku kanë marrë kryeministrin Edi Rama dhe fluturimi ka vijuar drejt Kukësit. Qytetarët në Kukës kishin krijuar një atmosferë festive dhe i kanë pritur me lodra, flamuj dhe me shumë entuziazëm.
Destinacionet e para të fluturimeve në Aeroportin e Kukësit do të jenë me disa qytete të Zvicrës, Gjermanisë por edhe Italisë. Duke sqaruar se pse avioni i cili erdhi nga Londra u ul fillimisht në Rinas, ministrja Belinda Balluku thotë se Shqipëria respekton rregullat, dhe momentalisht aeroporti është operacional. Më tej ajo garanton se nga ky moment koncesionari vijon punën me kompanitë, dhe nga 17 qershori do të jetë totalisht i përdorshëm nga të gjithë kompanitë. Aeroporti mban emrin “Zayed – Flatrat e Veriut”, duke kujtuar faktin se në Kukës qëndruan shqiptarët e dëbuar nga regjimi kriminal serb i kohës. Emri "Zayed" është në nderim të emrit të familjes së princit të kurorës së Emirateve të Bashkuara, i cili gjatë kohës së luftës në Kosovë, është përkujdesur për të sjellë ndihma të konsiderueshme.
Kryeministri Edi Rama e ka nisur mëngjesin e sotëm me disa foto nga hapja e Aeroportit Ndërkombëtar "Zayed, Flatrat e Veriut".
“Mirëmëngjes dhe me këto dy foto nga çasti i hapjes së Aeroportit Ndërkombëtar "Zayed - Flatrat e Veriut", ju uroj një ditë të mbarë “, shkruan Rama.
Dje duke folur për inaugurimin e Aeroportit të ri në këtë qytet, Rama deklaroi se me hapjen e aeroportit është një ditë e veçantë për shqiptarinë. Këtu iu përgjigj të gjitha akuzave duke thënë se ai nuk është 3D ndërsa shtoi se ndjen kënaqësi tani që aeroport është bërë realitet.
Lajme të tjera
-
Kukës/ Aksident në 'Rrugën e Kombit', përplasen 2 mjete, plagosen 4 persona
27 Nëntor, 19:08 -
Abuzimi me 2 tenderët e naftës, GJKKO dënon me 1 vit burg ish-prefektin e Kukësit, Granit Gjana! I konvertohet në 2 vite shërbim prove (Vendimi)
27 Nëntor, 16:32 -
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Kukës/ Babai denoncon në Polici humbjen e djalit 17-vjeçar, nisin kërkimet dhe kontrollet për gjetjen
27 Nëntor, 15:39 -
Tropojë/ IMT i kapi duke ndërtuar pa leje në zonën turistike të Valbonës, Policia procedon 4 banorët
27 Nëntor, 13:40 -
Kukës/ U vetëplagos me armë në lokal, Policia arreston 19-vjeçarin e dëmtuar, pronarin dhe 3 të tjerë! Një i pestë në kërkim
27 Nëntor, 13:26 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Vetëplagoset me armë zjarri 19 vjeçari në Kukës
26 Nëntor, 12:53 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01
