TIRANË- Edhe pse morën si provë në dorë materialet audio të seancave dhe procesverbalet për të provuar pretendimet e tyre për njëanshmëri në vendime, avokatët e Berishës nuk dorëzuan zyrtarisht kërkesën për përjashtimin e gjyqtares Irena Gjoka, nga çështja e zëvendësimit të masës ndaj ish-kryeministrit, në arrest shtëpie.
Kërkesën për të marrë këto prova avokatët e bënë verbalisht në seancën e së mërkurës ditë kur pritej që Irena Gjoka të merrte vendim për masën e re ndaj Berishës, kërkesë që solli shtyrjen për të tretën herë të vendimit për mesditën e 30 dhjetorit. Në seancën e së enjtes, gjyqtarja Irena Gjoka, argumentoi se shtyrja e shpalljes së vendimit për të shtunën, u bë për t’i dhënë kohë avokatëve të njihen me provat.
Sipas Gjykatës së Posaçme, deri në orën 16.00, në sekretarin e gjykatës nuk është paraqitur kërkesë me shkrim e avokateve të Sali Berishës për përjashtimin e gjyqtares Irena Gjoka. Kjo do të thotë se afati ligjor 3-ditor nga paraqitja e kërkesës në seancë, për depozitimin e saj është djegur tashmë, e mbetet të shihet të shtunën, nëse avokatët do të bëjnë ndonjë veprim të radhës për të zvarritur caktimin e masës arrest shtëpie ndaj Berishës, siç SPAK e kërkon.
“Në vijim të interesit të shfaqur nga gazetarët Ju bëjmë me dije se deri në orën 16.00, në sekretarin e gjykatës nuk është paraqitur kërkesë me shkrim e avokateve të shtetasit Sali Berisha për përjashtimin e gjyqtares Irena Gjoka”, njofton GJKKO.
Ndërkohë në një reagim te tyre avokatët kërkuan sqarim se pse nga Gjykata e Posaçme nuk iu vunë në dispozicion dy vendimet e arsyetuara të gjyqtarëve që rrëzuan kërkesën e tyre për përjashtimin e Irena Gjokës në dy raste vendimi i dhënë në 26 dhjetor dhe atë të dhënë në 25 tetor 2023, kërkesa sipas avokatëve janë pranuar në gjykatë.
Një ditë më parë Gjykata e Posaçme shtyu për herë të tretë seancën për dhënien e vendimit për kërkesën e SPAK për arrest shtëpie me mbikëqyrje policore dhe "ndalim komunikimi", për Sali Berishën i akuzuar për korrupsion në aferën “Partizani”. Ndërkohë, seanca e ditës së nesërme pritet të zhvillohet në orën 12:00.
Prokurorët që po hetojnë Berishën për korrupsion pasiv në aferën “Partizani” kërkojnë që ish-kryeministri të ruhet edhe me polic në derën e shtëpisë e të ketë kontakt vetëm me personat që jetojnë me të në të njëjtën banesë Nën hetim dhe në masë arresti shtëpie për privatizimin e Partizanit është dhe dhëndri i Berishës, Jamarbër Malltezi i cili ndërtoi kulla mbi territorin e kompleksit sportiv.
Teksa avokatët e Berishës nuk kanë depozituar në GJKKO kërkesën me shkrim për përjashtimin e gjyqtares Irena Gjoka dhe afati ka mbaruar ata kanë bërë një reagim. Avokatët thonë se GJKKO nuk u ka vënë në dispozicion vendimin e parë, ku gjyqtarja Rudina Palloi rrëzoi kërkesën për përjashtimin e Gjokës.
“GJKKO te informoje, se cila eshte arsyeja qe deri ne orarin zyrtar nuk vuri ne dispozicion vendimin e papranueshmerise se kerkeses per perjashtimin e gjyqtares Irena Gjoka sikurse i’u premtua avokateve zyrtarisht dhe verbalisht”, thotë avokati i Berishës.
Komente
Lajme të tjera
-
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Ergys Mërtiri: Ç'na tregoi më 23 Nëntor Altin Dumani?
24 Nëntor, 08:47
-
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
Po fshihesh si kusar e si dhjaks o Sali Berisha. Kaq frike e paske burgun o legen.
PërgjigjuVINI RE: -Sb po triblon me PROCEDURA,duke menduar se po ofendon SPAK+GJKKO,Në fakt e ka me AMERIKËN 100 %. -Edhe Gjyqtarja I.Gjoka po u lejon MARRZIT AVOKATËVE,për tu mbyllur çdo hapsirë ligjore për apelim.. -Dt.30.12,23,12,00 Gjyqtarja duhet të hapi VENDIMIN. • Nëse Avokatët kundërshtojnë duhet të caktohet AVOKAT SHTETI..dhe Avokatët të gjobiten rëndë..! -Nuk dim se çu bë me policin që AKSIDENTOI makinën e GARDËS ku ndodhej DJALI GJYQTARES I.GJOKA. -Kjo DREJTËSI NË KËTË SISTEM ME BERISHIZMIN.. ËSHTË ULËRIMË..! Ndaj,E Hoxha bënte mirë që dënonte nga mbledhja e KQP.Dhe Sb me krimet që ka bërë do të ishte VARUR 5 HERË..!
PërgjigjuKini shume kujdes nga sokol mengjesi, eshte nje dhelper e pa pare, gjokutaj eshte gomarr por ky mengjesi eshte dhelper dhe i sortollate te gjithe
PërgjigjuMeqe qenka dhelper cne nuk e paska blere shoku Rama? Apo ka qed vetem hjenat e cakenjte per skuadren e vet. Hajt ti bejme nje "lutje" me marre edhe ca dhelpra....