POP 5

Lajmet më të lexuara të 5 minutave të fundit

Politikë

‘Partizani’, SPAK nuk e lejon të shkojë në Kuvend, Berisha ankimon vendimin! Nesër merret në pyetje, më 25 janar dhëndri

Pasi SPAK refuzoi që t’i jepte leje për të shkuar në Kuvend, Berisha ka apeluar vendimin në GJKKO. Nesër SPAK e ka thirrur për t'u marrë në pyetje për aferën 'Partizani', ndërsa më 25 janar do merret në pyetje dhëndri Jamarbër Malltezi, të dy në masën arrest shtëpie.

Pasi SPAK refuzoi që t’i jepte leje Sali Berishës për të shkuar në Kuvend, avokati i tij Sokol Mëngjezi ka apeluar vendimin në GJKKO. Më 19 janar, SPAK refuzoi kërkesën e Berishës për të shkuar në seancat plenare në cilësinë e deputetit. 

Ndërkohë, nesër më 23 janar, SPAK ka thërritur për të marrë në pyetje Sali Berishën në hetim për korrupsion pasiv, dhe dy ditë më pas, më 25 janar, dhëndrin e tij Jamarbër Malltezi, në hetim edhe për pastrim parash për privatizimin e ish-kompleksit sportiv Partizani.

Mes këtyre 2 datave, pritet një zhvillimi rëndësishëm. Gjyqtarja e Apelit të Posaçëm, Ilirjana Olldashi do të shqyrtojë kërkesën e Berishës për heqjen e “arrest shtëpie” dhe përjashtimin e Irena Gjokës, gjyqtares që ka caktuar masën e sigurimit personal ndaj ish-kryeministrit.

Siç Report Tv zbuloi ekskluzivisht, gjyqtarja Olldashi është në konflikt interesi pasi në vitin 2015 ka blerë apartament me çmim preferencial 712 euro m² në një nga 19 kullat e kompanisë në hetim “Homeplan” ku aksioner është edhe Malltezi, të cilin më herët e liroi nga paraburgimi dhe e çoi në shtëpi.

Konflikti i interesit është pranuar edhe nga SPAK i cili ka bërë rekurs në gjykatë të lartë kundër masës “arrest shtëpie” duke kërkuar kthimin në qeli të Malltezit, i cili akuzohet se ka përfituar 5.4 mln euro nga ndërtimi i kullave.

SPAK kishte thirrur Berishën më 17 janar për t’u marrë në pyetje, ndërsa Malltezin më 18 janar, por më kërkesë të avokatëve mbrojtës marrja në pyetje u shty. Nuk dihet nëse Berisha do shkojë për t’u marrë në pyetje. Ish-kryeministri u vendos në arrest shtëpie pasi theu masën e sigurisë detyrim paraqitjeje disa herë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

25 Dhjetor, 16:02