Afera 'Partizani'/ Berisha refuzon sërish të paraqitet në SPAK, strehohet në Kuvend! Sulmon Krajën dhe Gjokën: Mercenarë të Ramës! Apeli i GJKKO-së shtyn vendimin për Malltezin

Avokati i Sali Berishës, Genci Gjokutaj në një prononcim për mediat, pas përfundimit të seancës tha se kanë paraqitur argumentet e se masat e sigurimit nuk qëndrojnë, por edhe në thelb çështja është një farsë.

‘Kemi që nga ora 9 kemi paraqitur gjithë argumentet që jo vetëm masat e sigurimit nuk qëndrojnë por edhe në thelb çështja është një farsë. Janë bërë shkelje kushtetuese në shkallë të Parë edhe Jamarbër Malltezi ishte vet prezent. Gjykata ishte në pamundësi për të dhënë vendimin. Seanca është shtyre për nesër në orën 11 për të shpallur vendimin. Të gjitha kërkesat që kemi bërë një shkallë të parë ja kemi kërkuar edhe gjykatës së Apelit për t’i konstatuar. Maltezi shpjegoi gjithë procedurën e privatizimit dhe gjithë atë normalitet të procedurës.’- tha Gjokutaj.

I pyetur se pse nuk është paraqitur Berisha sot në gjykatë, Gjokutaj tha se nuk paraqitet karshi një vendimi antikushtetuese.

‘Nuk e di pse nuk është paraqitur Berisha. Berisha nuk paraqitet karshi një vendimi antikushtetues. Është një vendim nominal i informuar nga ne mbi anti-kushtetuetshmërinë.’- tha Gjokutaj.

Seanca gjyqësore për shqyrtimin e ankimimit të ish-kryeministrit Sali Berisha dhe Jamarbër Malltezit në lidhje me masat e sigurisë për aferën e privatizimit të ish-kompleksit Partizani u zhvillua sot në Gjykatën e Posaçme e Apelit për Korrupsionin dhe Krimin e Organizuar. Përmes një njoftimi Apeli bën me dije se pasi ka dëgjuar palët ka vendosur shtyrjen e shpalljes së vendimit.

Njoftimi i Gjykatës së Apelit

"Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtarja Iliriana Olldashi, sot më 20.11.2023, ora 09:00, lidhur me çështjen penale nr. 56 akti, datë 14.11.2023 regjistrimi, mbi ankimin e personave nën hetim S.B. dhe J.M., me objekt: “Ankim ndaj vendimit nr. 112, datë 20.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar” që ka disponuar në lëndë të masave të sigurimit personal, pasi dëgjoi palët, i dha fund shqyrtimit gjyqësor po në datë 20.11.2023, ora 16:00, dhe urdhëroi shtyrjen e shpalljes së vendimit në datë 21.11.2023, ora 11:00."

Më 14 nëntor avokatët mbrojtës të ish- kryeministrit Berisha dorëzuan në sekretarinë e Gjykatës së Posaçme ankimimin e plotë ku kundërshtohen vendimet për masën e sigurimit personal “detyrim me paraqitje” dy herë në muaj për Sali Berishën. Përmes avokatëve mbrojtës, Berisha kërkoi shuarjen e masës “Detyrim për t’u paraqitur në policinë gjyqësore” dhe “Ndalim i daljes jashtë shtetit”, por GJKKO e rrëzoi këtë kërkesë.

Të njëjtën kërkesë për shuarje ose zbutje mase kanë dërguar edhe avokatët e Jamarbër Malltezi, i cili është i dyshuar për korrupsion pasiv. Mbi Malltezin rëndon masa “arrest në burg”.

Ndërtuesi Fatmir Bektashi është paraqitur në SPAK për masën ‘detyrim paraqitjeje’ dhe ‘ndalimi daljes jashtë shtetit’ në çështjen ‘Partizani’, ku akuzohet për korrupsion aktiv. Kjo është hera e dytë që Bektashi është paraqitur në SPAK për masën detyrim paraqitjeje, ndërsa në të dyja rastet ka refuzuar të flasë për mediat.

Ndryshe nga Sali Berisha, i cili ka refuzuar që të paraqitet në SPAK, ndërtuesi Bektashi ka shkuar për të dytën herë.

Bektashi akuzohet nga SPAK se ka bashkëpunuar me Jamarbër Malltezin në transferimin e fitimit prej 5.4 milionë euro nga ndërtimet në ish truallin e kompleksit Partizani.

Ish-kryeministri Sali Beriha refuzon sërish të paraqitet në SPAK, për t’u njohur me masën e sigurisë ‘detyrim paraqitjeje’ dhe ‘ndalim i daljes jashtë shtetit’ për cështjen Partizani. Ndërsa duhej të ishte në SPAK, Berisha u paraqit në Kuvend bashkë me mbështetësit e tij me skenarin e qartë për të bllokuar punën e Kuvendit. Berisha sulmoi drejtësinë.

Sot unë jam paraqitur në parlament. Sot jam paraqitur në Parlament nuk mund të pranojë kurrë përvetësimin që bën Rama. Është urdhër i Edi Ramë si lëshuar nëpërmjet mercenarëve siç është Kraja, që qëndron në detyrë në shkelje të kushtetutës. Irena Gjoka fshihet parapa krimit. Ata janë shërbëtorë të mjetë që zbatojnë urdhrat e Edi Ramës ndërkohë marrin pushtetin e parlamentit”, tha Berisha.  

Sot në orën 09:00, mbahet seanca në Apelin e GJKKO për ankimin e Berishës dhe Malltezit kundër masave të sigurisë të dhëna për aferën e privatizimit të kompleksit “Partizani”.

Ndërkohë në GJKKO ka mbërritur avokati i Sali Berishës, Genc Gjokutaj.