Afganistan, Uashingtoni pranon se avioni ushtarak i rrëzuar i përkiste inteligjencës amerikane (VIDEO)

Mbetet ende mister rrëzimi i një avioni ushtarak amerikan të inteligjencës në Afganistan dhe numri i viktimave të mundshme.

Ndërsa vetëm sonte gjatë natës Pentagoni ka pranuar vërtetësinë e lajmit, talibanët thonë se ishin ata që e goditën me raketa dhe se janë duke kërkuar për disa të mbijetuar.

Për orë të tëra, nuk dihej asgjë për incidentin, i cili ndodhi të hënën në provincën lindore të Ghazni, e kontrolluar nga talibanët.

Arsyet e aksidentit mbeten të panjohura, në fillim besohej se avioni i rrëzuar ishte i kompanisë afgane Ariana por lajmi u mohua.

Shtetet e Bashkuara dhe Talibanët po negociojnë një armëpushim për të lejuar nënshkrimin e një marrëveshje paqeje dhe të lejojnë rreth 13,000 ushtarë amerikanë të kthehen në shtëpi dhe të hapin rrugën për një marrëveshje të gjerë pas luftës.

Talebanët aktualisht kontrollojnë ose mbizotërojnë rreth gjysmën e vendit.

I.C./b.ha./Shqiptarja.com
  • Sondazhi i ditës:

    'Basha kryeministër e Rama president', a do të ishit dakord me këto poste për kryetarët e partive të mëdha pas vitit 2021?

Komento


×

Lajmi i fundit

John

Kalo: Kujdesuni për vete, mos bëni politikë me COVID-in! 'Politiqenërit' e gjejnë gjuhën mes vetes për t'u pasuruar në çdo kohë