Afganistan, vritet në pritë një ushtar i NATO-s, sulmi pas atentatit ndaj gjeneralit amerikan

Afganistan, vritet në pritë një ushtar i NATO-s, sulmi pas atentatit ndaj gjeneralit amerikan

Ushtarë të NATO-s në Afganistan

Një ushtar i misionit të NATO-s në Afganistan është vrarë dhe dy të tjerë janë plagosur në një sulm në provincën Herat. Në një deklaratë, selia e NATO-s në Kabul tha se “të dhënat e para lënë të kuptohet se sulmi është kryer nga forcat e sigurisë afgane”.

Kombësia e ushtarit të vrarë nuk është publikuar menjëherë, por agjencia e lajmeve AFP ka raportuar se asnjë nga ushtarët e NATO-s që kanë qenë cak i këtij sulmi nuk kanë qenë amerikanë.

Në njoftimin e NATO-s nuk jepen më shumë detaje për këtë sulm. Ky është sulmi i fundit në serinë e sulmeve që kanë kryer forcat afgane kundër trupave ndërkombëtare, me të cilët punojnë. Më 18 tetor, një sulmues i veshur me uniformë të forcave të sigurisë afgane kishte hapur zjarr në një ngjarje në Kandahar, ku po merrte pjesë edhe komandanti amerikan i NATO-s në Afganistan, gjenerali Scott Miller.

Në këtë sulm u vranë tre persona, megjithatë gjenerali Miller nuk pësoi asnjë lëndim. Por, gjenerali tjetër amerikan, Jeffrey Smiley ishte në mesin e 13 personave që u plagosën në këtë sulm./REL/

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!