Afrikë, dronët përdoren për
shpërndarjen e medikamenteve

Dronët në Afrikë kanë filluar të përdoren për shpërndarjen e medikamenteve. Ruanda ishte vendi i parë afrikan në të cilin medikamentet u shpërndanë me anë të dronëve. Janë përdorur 15 dronë, të cilët mund të shkojnë edhe në zona ku terreni tokësor e bën të pamundur transportim.

Shpërndarja arrihet të kryhet, pasi i dërgohet një mesazh drejt numrit të kompanisë së dronëve duke përshkruar nevojat e produkteve që ato kanë, dhe menjëherë një dron niset për transportin e produkteve duke përdorur një kuti me kapacitet mjaft të madh.

Pak kohë më parë dronët u përdorën nga kompania Amazon, për shpërndarjen e produkteve. E mesa duket përdorimi i dronëve është hapur mjaft shpejt në shumë vende dhe ata po përdoren për qëllime nga më të ndryshmet.


Redaksia Online 
XH.M/shqiptarja.com