Sezonin e ri Skënderbeu do jetë pjesë e Superligës në futbollin shqiptar. Në Korçë kanë nisur punën për të përgatitur rikthimin në elitë, teksa emri i parë që drejtuesit kanë është ai i Edmir Salit. Portieri ka luajtur dy sezonet e fundit me Kastriotin, teksa pas 31 majit ka dalë futbollist i lirë.
"Gardiani" vlonjat duket se është i pari që ka gjetur akordin me Skënderbeun, teksa duket se do jetë mes shtyllave në Korçë. Largimi i portierit Shkëlzen Ruçi nga bardhekuqtë i hap rrugën afrimit të Salit, që ka spikatur me pritjet këtë sezon.
I dalë nga moshat e Flamurtarit, 25-vjeçari ka luajtur edhe me ekipin e parë të vlonjatëve, teksa ka provuar të mbajë veshur edhe fanellën e Orikut. Prej 2021, Sali la Laçin dhe u bashkua me Kastriotin, aty ku edhe ra në sy për paraqitjet e mira.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)