Agjencia e Prokurimit Publik ka pezulluar procedurën e tenderimit për koncesionin mbi kontrollin e pompave të naftës dhe gazit të lëngshëm, shërbim që aktualisht kryehet nga Drejtoria e Metrologjisë. Vendimi i Agjensisë së Prokurimit Publik është marrë pas një ankimimi nga një kompani zviceriane që akuzon Ministrinë e Financave se ka vendosur në procedurat e koncensionit kushte diskriminuese.
Kushtet e vendosura përjashtojnë nga gara kompanitë e huaja dhe favorizojnë firmën “NoaControll sh.p.k,” kompani e themeluar në vitin 2015 nga biznesmeni shqiptar, Gentian Sula, i cili ka aktivizuar procedurën e koncensionit me një propozim të pakërkuar në 2016, dhe për këtë arsye nga qeveria ka marrë në garë 10 pikë bonus, siç parashikohet nga ligji për koncensionet që mund t’i hapin rrugën për një aktivitet që mund të sjellë për kompaninë e tij një fitim prej 70 milionë euro për 20 vite.
.jpg)
Kontrata koncesionare, ku thuhet se Kompania Noa ka 10 pikë bonus pasi ka depozituar një ofertë të pakërkuar që në vitin 2016
Kontrolli i pompave te naftës dhe gazit të lëngshëm në pikat e karburanteve është aktiviteti kryesor i Drejtorisë së Metrologjisë, dhe buxheti i shtetit arkëton çdo vit 80 milionë lekë. Ministri i Financave, Arben Ahmetaj synon ta japë këtë koncension në këmbim të një investimi dysheme prej 64.8 milionë lekë, për një periudhë 20-vjeçare.
.jpg)
Vlera e koncesionit për kontrollin e pompave të naftës me një vlerë prej 64 milionë lekë.
Ministria e Financave në dokumentet e shpallura bashkë më tenderin në 18 shtator të këtij viti, vë theksin tek standartet evropiane si një nga arsyet e dhënies me koncension të këtij shërbimi, teksa në të njëjtën kohë nuk lejon kompanitë e huaja të marrin pjesë në tender.
Kushti kryesor i Ministrisë së Financave ishte që kompania fituese të ketë një certifikatë akreditimi shqiptare, edhe pse certifikatat e lëshuara nga trupat evropiane të akreditimit njihen në Shqipëri, dhe jo e kundërta.
.jpg)
Kriteret e vendosura nga Ministria e Financave për pjesëmarrjen në këtë tender, ku theksohet se kompania fituese duhet të ketë një certifikatë akreditimi
Kriteri i dytë ishte që kompania të kishte 3 vite eksperiencë në fushën e inspektimit. Dy kushtet qe i shkojnë për shtat firmës “Noa-controll “që pikërisht në 3 vitet e fundit ka arritur të sigurojë nga shteti disa certifikata në fushën e inspektimit.
.jpg)
Kriteret e vendosura nga Ministria e Financave, ku kërkohet që kompania fituese të ketë 3 vite eksperiencë në fushën e inspektimit të hidrokarbureve
Kompania me bazë në Zvicër, “Penzoil Trading” e interesuar për të marrë pjesë në garë, u ankua tek Komisioneri i Prokurimit Publik, për manipulim të garës duke gjykuar si përjashtuese, kushtet e vendosura nga Ministria e Financave. Pas kësaj ankese Komisioni i Prokurimit Publik në fillim të muajt tetor ka pezulluar tenderin dhe ka kërkuar shpjegime nga Ministria e Financave.
Ky projekt koncensionar nuk është pritur mirë nga operatorët e tregut të karburanteve dhe shoqatat e biznesit, apo ato në mbrojtje të konsumatorit, të cilët kontestojnë mungesën e transparencës, si edhe mungesën e një strategjie të qartë të qeverisë, por edhe rrezikun për kosto shtesë në çmimin fundor të naftës, dhe hapësirën që ka kompania për të abuzuar.
Çdo pikë shërbimi paguan aktualisht 14.000 lekë për kontrollin e pompave nga ana e shtetit, po privati mund t’a rrisë këtë tarifë. Projekti koncesionar i kontrollit të pajisjeve në karburante nuk është i vetmi në këtë sektor. Në fillim të vitit 2013, qeveria e drejtuar nga Berisha firmosi koncesionin e markimit, duke rritur një kosto të transferuar pastaj në çmimin fundor të karburantit, që aktualisht në Shqipëri është ndër më të shtrenjtit në Evropë.
Komente
Lajme të tjera
-
Fier/ Ndotet lumi Gjanica, ujërat shndërrohen në ngjyrë të zezë! Shkak hidrokarburet e derdhura, erë e keqe, ARM do nisë inspektimin (VIDEO)
3 Nëntor, 19:02
-
Euro rekord të ri negativ, këmbehet me 98.2 lekë! Buxheti i shtetit ka humbur 120 mln euro këtë vit nga zhvlerësimi i valutave, rrezik edhe për 2025-ën
31 Tetor, 16:06
-
Në 2025-ën do jepen 2 mln euro grant për pushtetin vendor! Bashkitë me përformancën më të mirë do të marrin më shumë para
30 Tetor, 16:45
-
Prezantohet në Kuvend projektbuxheti 2025, nuk ka ndryshim taksash! Malaj: Presim rritje ekonomike 3.9%, ulje të borxhit publik dhe më shumë investime
30 Tetor, 14:49
-
Zhvlerësimi i valutave uli borxhin e huaj! Ministria e Financave: Në fund të shtatorit borxhi publik zbriti në 55.4% të PBB-së
30 Tetor, 11:43
-
Pr/buxheti 2025 do jetë 8.2 mld euro, 600 mln euro më shumë se ky vit! Qeveria ndan vetëm 53 mln euro për indeksimin dhe bonusin e pensionistëve
28 Tetor, 12:07
-
Zgjerohet suficiti buxhetor, në 9 muaj arriti në 700 milionë euro! U mblodhën 5.2 mld €, por u realizuan vetëm 60% të shpenzimeve të planifikuara
22 Tetor, 09:47
-
Moody’s rishikon në rritje ekonominë shqiptare, nga 'pozitive' në të 'qëndrueshme'! Malaj: Ndikim ulja e borxhit, rritja e investimeve
19 Tetor, 14:09 -
Pritet të jetë më i madhi, ‘Financa’ nis hartimin e projektbuxhetit 2025! Parashikohet rreth 8.2 mld euro, sektorët që marrin ‘pjesën e luanit’
18 Tetor, 18:31
-
Rriten me 10% të ardhurat, Ministria e Financave: Në 9 muaj janë arkëtuar rreth 516 milionë euro më shumë se vjet
18 Tetor, 14:13 -
20 euro në vit për çdo krevat! Qeveria rikthen taksën e sheshtë për sektorin e turizmit
15 Tetor, 15:51
-
‘Borxh për të larë borxhet’, Ministria e Financave nis procedurat për eurobondin e ri 600 mln € në vitin 2025
11 Tetor, 14:56
Gjykata Administrative vendosi sot 27.05.2019 anulimin e vendimit të Komisionit të Prokurorimeve Publike dhe riberjen e kritereve të Koncesionit të pompave të naftës
Përgjigju