POP 5

Lajmet më të lexuara të 5 minutave të fundit

Politikë

Agron Duka për Report TV: Situata në PD po dëmton opozitën, s’ka koordinim! Të bashkëpunohet me maxhorancën për reformat e rëndësishme

Aleati i Bashës Agron Duka thotë se situata e krijuar në Partinë Demokratike, po dëmton jo vetëm selinë blu, por të gjithë opozitën pasi mungon koordinimi. Në një intervistë për Report Tv Duka thotë se opozita dhe maxhoranca duhet të bashkëpunojnë për reformat e rëndësishme në parlament.

Edhe pse e shohin si vendim të guximshëm atë që Lulzim Basha mori mbrëmjen e 9 shtatorit, duke përjashtuar Sali Berishën nga grupi Parlamentar, për aleatët situata brenda PD po dëmton opozitën.  Deputeti Agron Duka thotë se konflikti brenda vetvetes, po pengon PD të koordinohet me aleatët dhe të humbasë vëmendjen nga aksioni opozitar.

 “Duke patur një konflikt shumë të madh ndërmjet vetes,Partia Demokratike, përplasja Basha-Berisha përqendron vëmendjen te kjo përplasje. Kjo është arsyeja të mos kenë vëmendjen ndaj aleatëve dhe aksionit opozitar, sepse sigurisht kjo është një çështje më madhore. Është e vërtetë po ashtu që nuk ka koordinim të vendimeve, veprimet janë të pakoordinuara.  Padyshim që zbeh veprimin opozitar, e gjitha kjo është në dëm të opozitës dhe atyre që i kanë votuar. fakti ë merren shumë me vete është e pashmangshme, do vazhdojë me kohë të gjatë, mbase me muaj duke dëmtuar edhe opozitën”, thotë ai.

Opozitës së udhëhequr nga PD, Duka i kërkon bashkëpunim me kundërshtarët socialistë për reformat prioritare. Ai thotë se edhe ftesa e parë, ajo për të votuar ndryshimet kushtetuese për zgjatjen e vetingut duhet të pranohet dhe për këtë ka një argument.

"Duhet bashkëpunim. Unë mendoj që duhet bërë përderisa jemi dakord me reformën në drejtësi. Por kjo nuk varet nga dora ime, apo një grup i vogël parlamentar, por nga një dorë më e gjerë si PD. Por jam dakord që Dy reformat më të rëndësishme që duhet të ndërmarrë parlamenti është ajo territoriale dhe zgjedhore dhe kjo duhet të pasohet me zgjedhje vendore", shprehet Duka.

Por nëse opozita do të ketë përballë një mazhorancë kokëfortë, rruga e bashkëpunimit nuk është e vetmja që parashikon deputeti i Durrësit. Ai thotë se duhet të ketë një kombinim mes konsensusit, rezistencës dhe reagimeve të forta.

 

/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Jubileu 2025, Papa Françesku hap derën e shenjtë në burg

Jubileu 2025, Papa Françesku hap derën e shenjtë në burg

26 Dhjetor, 14:42