POP 5

Lajmet më të lexuara të 5 minutave të fundit

Kronikë

Agronom nga Venezuela në Përmet për kultivimin e kanabisit, arrestohet amerikano-latini (FOTO)

Arturo Morales është prangosur në Përmet aty ku në zonën e Frashërit janë sekuestruar dhe asgjësuar 3 mijë rrënjë të bimës narkotike.

Policia e Shtetit ka prangosur një agronom venezuelian i identifikuar si Arturo Morales i cili në Shqipëri kishte ardhur për të ndihmuar në kultivimin e kanabisit, bëjnë me dije burime për Report Tv. Morales është prangosur në Përmet aty ku në zonën e Frashërit janë sekuestruar dhe asgjësuar 3 mijë rrënjë të bimës narkotike.

Para hetuesve ai është shprehur se ka mbërritur në Shqipëri për turizëm por hetimet e policisë dhe të dhënat në rrugë operative kanë zbuluar se ai ishte në Shqipëri për kultivimin e bimës narkotike. Ky nuk është hera e parë ku grupet kriminale investohen për të sjellë ekspertë të huaj të narkotrafikut pasi edhe në laboratorin e kokainës në xibrakë ishin dy kimist kolumbian.

Aktualisht ai mbahet në Policinë e Gjirokastrës dhe pritet që të dalë në fundjavë në Gjykatë për t'u njohur me akuzën që rëndon ndaj tij. Nga ana tjetër po kryhen hetime për mbërritjen e tij në Shqipëri dhe personat që e kanë pritur dhe strehuar.

30 vjeçari nga Amerika Latine ka mbërritur në mënyrë legale në Shqipëri dhe prej më shumë se 3 javësh ai ndodhej në vendin tonë. Hetuesit dyshojnë se Morales paguhej 4 mijë euro në muaj për kultivimin e bimëve narkotike ndërsa i ishte ofruar sëbashku me punëtorët e tjerë dhe strehim në një banesë në zonën e Frashërit.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • permetari: 07/09/2018 19:51

    PO POLICIA C KA PRITUR DERI ME TANI PSE SKA RAPORTUAR MBI MBIELLJEN E KANABISIT,,QE E KA DETYRE LIGJORE TE RAPORTOJE MBI SITUATEN NE ZONE ,,TE ARESTOHET DHE POLICI I ZONES QE MBULON NJESINE ADMINISTRATIVE TE FRASHERIT...

    Përgjigju
    • Xhedo: 03/01/2019 20:16

      ...po mos is fut kot se duhen të mblidhen ca prova...

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12