Ajo ç’ka po ndodh prej 6 vitesh në këtë vend, natyrisht nuk ka vend shumë për komente dhe “opinione” të atyre që nuk e njohin shtetin, nuk njohin dhe nuk kanë zbatuar asnjëherë ligjet e shtetit, dhe atyre që kanë 30 vjet që bëjnë vetëm zhurmuesin. E ndërsa Edi Rama, e mori pothuajse nga zero shtetin për nga niveli i njohjes dhe zbatimit në terren të ligjeve kushtetuese, duket se bilancet sot janë më shumë se pozitive.
Shqipëria e kaosit ndërtimor, e rrumpallës institucionale, e mbingarkesës së administratës publike, Shqipëria e zyrtarëve defiçentë që merreshin me punët e veta dhe të familjes, i është kthyer normalitetit institucional, duke hyrë vrullshëm falë vullnetit të Ramës, rrugës së reformave rradikale. Nuk ka zbatim të reformave pa “dhimbje”, pasi e kundërta ka ndodhur në kohën e rrumpallës, në kohën e zaptimit dhe rrënimit të territorit nga barbarët, duke i dhënë vendit një pasojë të paparë katastrofike.
Prej 6 vitesh shqiptarët janë dëshmitarë të një rruge të gjatë dhe të vështirë nga ku ka lindur shteti ligjor, nga ku ka lindur drejtësia e re, angazhimet e reja për cilindo që meriton të vlerësohet. Përballë një pakice abuziviste, e cila ishte mësuar me rehatin e kulltukut, që ishte mësuar me pazaret e asaj ç’ka ishte e detyrueshme me ligj, përballë një pakice e cila zhutmon gjithçka që lidhet me reformat dhe progresin, Edi Rama ka vendosur të ecë përpara, ka vendosur të ndërtojë edhe kur shembet diçka, ka vendosur të ndërtojë nga e para, mbi gjithçka shtetin ligjor. Ata që vendosin të shikojnë përpara, asnjëherë nuk ndikohen nga zhurmuesit pa “kabëll”, aq më tepër kur “cicërimat” vijnë nga ish-godina e Ushtrisë Popullore.
I vendosur të ndjekë ëndrrën e tij europiane, Edi Rama ka 6 vjet që nuk ngurron të ftojë (por ama jo ti lutet) ish-opozitën zhurmuese, të bëhet pjesë e ndertimit të shtetit ligjor, të bëhet pjesë e reformave dhe europianizimit të Shqipërisë. Ngjarjet e fundit të tërmetit të 26 Nëntorit, treguan sa mbështetje popullore dhe ndërkombëtare kishte patur Edi Rama. Askush nuk e kishte besuar se Rama kishte arritur të bënte miq “për kokë” europianët dhe amerikanët, aziatikët dhe latinët, që nuk ngurruan të vinin në Tiranë me mbështetje njerëzore, logjistike dhe materiale, për t’ju gjendur shqiptarëve në ditët e qametit.
“Edhe nga dheu do ti nxjerr paratë dhe do ta ndërtoj gjithçka nga e para”. Ai që gjithmonë ka premtuar ndërtimin, ai që gjithmonë ka vendosur të shembë të vjetrën dhe tja nisë nga e para, edhe kësaj here mbeti i tillë. Fatkeqësia kur bie, kërkon të “ndezësh motorrët” dhe të ringrihesh, ndryshe të vuri poshtë. Askush nuk e kishte besuar se, do të mbahej kaq shpejt konferenca e donatorëve në Stamboll, nga e cila Edi Rama erdhi edhe më i fortë, edhe më i mbështetur se kurrë.
Të vetmit që nuk e besuan dhe nuk besojnë, të vetmit që nuk e ndihmuan dhe nuk po e ndihmojnë, të vetmit që po e pengojnë me çdo mjet vendin të ringrihet, janë njësitet e zhurmuesve në SHQUP. I vendosur të mos qaset pranë fatkeqësive të mijëra shqiptarëve, dhe të tallet me “plane dhe projekte me 3 dhe 5 pika”, duket se kryezhurmuesi edhe kësaj here ishte i dobët para Ramës, edhe kësaj here ai nuk mundi të “arratiset” nga bodrumi Doktorit, për të zhbërë formalisht disa prej mëkateve të vjetra.
Ata që kanë 30 vjet që rrëmbejnë gjithçka njerëzore, duke nisur nga festat, pushtetet, postet, pronat dhe pasuritë e vendit dhe të shqiptarëve, ata nuk mund të jenë me ndërtimin, ata duan rrënimin, ata nuk mund të jenë me gëzimin dhe rikthimin e jetës normale, pasi janë mësuar me errësirën, zhgënjimin, trishtimin, bllokimin, dështimin.
Komente
Lajme të tjera
-
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58
Rrnoft Birisha e ban Shqipnin per nje jave si Vicidoli.. per inat te Ed Mafise.
Përgjigju