AK: RTSH, RTK, MTV, vegla të
qeverisë, protestë më 18 shkurt

TIRANE- Aleanca Kuq e Zi denoncon keqpërdorimin e Televizioneve Publike në Tiranë, Prishtinë dhe Shkup, për politikën qeveritare dhe jo kombëtare dhe paralajmëron për një protestë që do të zhvillohet njëkohësisht në të tre kryeqytetet e Shqipërisë, Maqedonisë, e Kosovës.

AK bën thirrje qytetarëve për tju bashkuar protestës që do të zhvillohet më 18 shkurt, në të njëjtën ditë dhe në të njëjtën orë në tre qytetet në fjalë. Sipas AK të tre këto institucioni mediatike që duhet të jenë në shërbim të informimit të qytetarëve, janë kthyer në leva të frikshme qeveritare dhe pushtetare që transformojnë gjithçka sipas kërkesave të pushtetit, por shpesh herë edhe pa kërkesën e pushtetit.

“Liria e fjalës në Shqipëri, Kosovë dhe Maqedoni lë shumë për të dëshiruar. Të gjithë jemi dëshmitarë të raportit të fundit të Reporterëve pa Kufij, ku Shqipëria kish lënë pas vetëm vendet e rajonit, e Kosova dhe Maqedonia gjithashtu.”- nënvizon AK.

Aleanca KuqeZi denoncon frymen antikombëtare dhe antishqiptare që këto tre televizione publike në Tiranë, Prishtinë dhe Shkup transmetojnë cdo ditë në ekranin e taksapaguesve të tyre.

“As në RTSH, RTK apo MTV nuk shikon më asnjë dokumentar, asnjë emsion, asnje trajtim të cështjes kombëtarë. Këto televizione janë kthyer ne ushtarë të bindur të qeverive në pushtet duke keqpërdorur paratë e taksapaguesve të tyre si dhe duke dizinformuar palimit, deri në cmenduri informacionin që i përcojnë publikut të tyre.”- thotë AK duke i bërë thirrje qeverisë shqiptare, asaj kosovare dhe maqedonase që të heqin dorë nga përdorimi tendencioz dhe dashakeqës i televizioneve publike dhe t’ia kthejnë këto media qytetarëve të tyre.
(sg/shqiptarja.com)