POP 5

Lajmet më të lexuara të 5 minutave të fundit

Kultura

Akademia e Shkencave promovon 2 fjalorë të gjuhës shqipe⁄ Jani Thomai: Shumë shpejt botojmë Fjalorin Mbarëkombëtar

Akademia e Shkencave promovoi dy Fjalorë të Gjuhës Shqipe. Akademikët Jani Thomai edhe Valter Memisha flasin për rëndësinë e këtyre veprave, edhe tregojnë punën që po bëhet për hartimin e Fjalorit të madh të Gjuhës Shqipe

Akademia e Shkencave promovoi dy fjalorë për gjuhën shqipe. Kreu i këtij institucioni Skënder Gjinushi i cilëson këto vepra të rëndësishme për korpusin e fjalorëve të gjuhës shqipe.
“Për këtë fjalor është punuar më shumë se dhjetë vite. Është i pari fjalor që do të shërbejë si ndihmë për brezat rinj, duke përfshirë të gjitha zhvillimet që kanë ndodhur. Ndërsa, Fjalori i Aleksandër Xhuvani u bë i mundur që të botohet pas një pritje të gjatë”, thotë kreu i Akademisë së Shkencave, Skënder Gjinushi.

Akademiku Jani Thomai thekson se fjalori i hartuar prej tij në bashkëpunim me gjuhëtarët e tjerë është i rëndësishëm veçanërisht për nxënësit

“Ky fjalor ka një orientim për nxënësit e shkollave të mesme edhe vitet  para universitare”, shprehet Thomai.

Ndërsa, akademiku Valter Memisha flet për rëndësinë e botimit të plotë të Fjalorit të Aleksandër Xhuvanit

“Vepra u bë plotësua tërësisht nga e para. Çdo gjë që na ka lënë trashëgim profesor Xhuvani ka gjet veten te kjo vepër”, shprehet Memisha.

Thomai edhe Memisha flasin dhe për punën që po bëhet për hartimin Fjalorit të madh të Gjuhës Shqipe
“Fjalori i madh do të përfshijë rreth 35 veta, edhe do të përfshijë të gjithë fjalorët që janë bërë për gjuhën shqipe. Shqipja ka në përdorim fjalorë të tipit të mesëm, por shqipja kërkon një fjalor të madh për nevojat e komunikimit. Shkrimtari, gazetari edhe politikani duan një fjalor të tillë, ku të gjejnë kuptimin e madh të fjalëve. Pasi shqipja është shumë e hapur ndaj fjalëve të tjera”, tha Memisha.

“Do të përfshijë shumë institucione, edhe do të jetë edhe një fjalor mbarëkombëtar, për lëndën që pasqyron”, thotë Thomai, i cili është përzgjedhur që të jetë kryeredaktori i Fjalorit të Madh të Shqipes.

Fjalori i Madh i gjuhës Shqipe mendohet që në dhjetor të vitit 2023 do të jetë në qarkullim. Ndërsa, në vitin 2024 do të nis puna për Fjalorin thesar.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, humb jetën 65 vjecari

Kurbin/ Humb kontrollin e mjetit dhe del nga rruga, humb jetën 65 vjecari

25 Dhjetor, 08:23