POP 5

Lajmet më të lexuara të 5 minutave të fundit

Arkiva

Akademia propozon
Kadarenë sërish për Nobel

Emri i shkrimtarit Ismail Kadare do të jetë sërish në listën e kandidaturave të Nobelit letrar të 2012. Lajmi u konfirmua dje për "Shqiptarja.com", nga Akademia e Shkencave, ku kryetari Gudar Beqiraj, tha se dosja me rekomandimin dhe dokumentacionin tjetër plotësues është përgatitur e nisur për në Stokholm.
Akademia propozon<br />Kadarenë sërish për Nobel
TIRANE- Emri i shkrimtarit Ismail Kadare do të jetë sërish në listën e kandidaturave të Nobelit letrar të 2012. Lajmi u konfirmua dje për "Shqiptarja.com", nga Akademia e Shkencave, ku kryetari Gudar Beqiraj, tha se dosja me rekomandimin dhe dokumentacionin tjetër plotësues është përgatitur e nisur për në Stokholm.

Është e vërtetë që Akademia e Shkencave të Shqipërisë i ka dërguar Akademisë së Nobelit në Stokholm propozimin e kandidaturës së shkrimtarit Ismail Kadare për çmimin 'Nobel' në letërsi?
Po është e vërteta. Akademia e ka përfunduar dokumentacionin që duhesh për këtë rast. Ky është një njoftim zyrtar tashmë. Kjo është hera e dytë që Akademia e Shkencave të Shqipërisë e propozon shkrimtarin Ismail Kadare për çmimin Nobel në letërsi. Kjo ka ndodhur edhe në vitin 2006, kur ai kishte 70-vjetorin e lindjes.

Si u mor iniciativa për këtë propozim?
Me marrjen e një kërkese nga Akademia e Nobelit, ne si Akademi, menduam ta bëjmë këtë propozim. Ismail Kadare është akademik dhe e mban këtë titull për jetë. Mua si kryetar më takonte të bëja një propozim në kryesi, e cila u mblodh, e diskutoi dhe më mbështeti për të bërë propozimin e kandidaturës së Kadaresë, duke plotësuar të gjithë kërkesat që kishin ata. Kështu ne ndërtuam një dosje, ku përfshimë motivimin, CV-në dhe të dhëna të tjera për aktivitetin e shkrimtarit, sidomos në këto vitet e fundit, aktivitet, duhet thënë shumë i gjerë dhe i frytshëm.

A mendoni se ky do të jetë një rast fatlum për marrjen e Nobelit?
Meqenëse ky propozim është bërë edhe herë të tjera, shpresoj të jetë ky rasti, që çmimi Nobel të vijë në Shqipëri. Për mua do të jetë dyfish kënaqësi, pasi propozimin e kam iniciuar unë si kryetar i Akademisë së Shkencave.

Është nisur dokumentacioni për në Stokholm?
Po është nisur. Ishte e nevojshme që të nisej me postë dhe pasi e përfunduam dosjen e nisëm. Besoj për pak ditë mbërrin në Stokholm.
Ky propozim është i vlefshëm për garën e Nobelit në 2012?
Po për kandidaturën e Nobelit 2012.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46