POP 5

Lajmet më të lexuara të 5 minutave të fundit

Akademik Skënder Gjinushi vizitë në Institutin e Shkencës së Informacionit në Slloveni: Për bashkëpunim dhe promovimin e risive në shkencë

Kryetari i Akademisë së Shkencave akademik Skënder Gjinushi nxit bashkëpunimin dhe promovimin e risive në shkencë dhe forcimin e rrjetit të kërkuesve shkencorë, si edhe rritja e mundësive të bashkëpunimit në projekte të përbashkëta.

Akademik Skënder Gjinushi vizitë në Institutin e Shkencës së Informacionit në Slloveni: Për bashkëpunim dhe promovimin e risive në shkencë

Kryetari i Akademisë së Shkencave akademik Skënder Gjinushi viziton Institutin e Shkencës së Informacionit në Slloveni (IZUM).

Në këtë vizitë ai u prit nga drejtori i këtij instituti dr. Aleš Bošnjak, koordinatorja e Sistemit të Kërkuesve Shkencorë (ECRIS) Darinka Šeško dhe koordinatori i rrjetit COBISS.net Davor Bračko.

Kryetari i Akademisë shoqërohej nga kancelari Ruzhdi Kuçi dhe përfaqësuesja e sistemit COBISS.AL Mirlona Buzo.

Qëllimi i këtij takimi ishte konsolidimi dhe zgjerimi i infrastrukturës së informacionit shkencor, e cila mundëson cilësi dhe transparencë të potencialeve dhe rezultateve kërkimore e për rrjedhojë promovimin e risive në shkencë.

Pasi u vlerësua bashkëpunimi disavjeçar midis këtyre institucioneve u theksua rëndësia e evidentimit të aktivitetit shkencor të kërkuesve brenda dhe jashtë Shqipërisë, forcimi i rrjetit të kërkuesve shkencorë, si edhe rritja e mundësive të bashkëpunimit në projekte të përbashkëta.

Në këtë takim u ra dakord për organizimin e një konference të përbashkët shkencore në Shqipëri me pjesëmarrës të universiteteve, instituteve dhe qendrave kërkimore shkencore, për prezantimin e platformave online të implemetuara nga Akademia e Shkencave e Shqipërisë në ndihmë të kërkimit shkencor.

Me shumë interes ishte edhe prezantimi i superserverit (Vega computer) në mjediset e këtij instituti për ruatjen dhe mbrojtjen e informacionit shkencor.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Vizita e Presidentit Begaj në Kosovë, si i vlerësoni mesazhet dhe takimet që zhvilloi?

Lajme të tjera



×

Lajmi i fundit

Bordi i Transparencës rrit me 6 lekë naftën! Ulet me 2 lekë gazi dhe me 1 lekë benzina

Bordi i Transparencës rrit me 6 lekë naftën! Ulet me 2 lekë gazi dhe me 1 lekë benzina

17 Gusht, 18:03