POP 5

Lajmet më të lexuara të 5 minutave të fundit

Ekonomi

AKEP: Shqiptarët, shpenzime më të ulta se në BE për celularët

Të dhënat krahasuese të AKEP tregojnë se shqiptarët kanë shpenzime mesatare për telefonin celular, shumë më të ulëta krahasuar me Bashkimin Europian
AKEP: Shqiptarët, shpenzime më të ulta se në BE për celularët

Foto Ilustruese

Vitin e kaluar, përdoruesit aktivë të telefonisë celulare paguan mesatarisht 3.12 lekë për minutë thirrje të kryer. Sipas të dhënave nga Autoriteti i Komunikimeve Elektronike dhe Postare çdo përdorues shpenzoi mesatarisht 509 lekë në muaj për komunikimin me celular.

Përgjithësisht, komunikimi me celular bëhet përmes paketave që përfshijnë një sasi të caktuar njësisht komunikimi kundrejt një pagese fikse. Zakonisht, njësitë e komunikimit në paketa nuk shpenzohen të gjitha, sidomos kur bëhet fjalë për thirrje apo mesazhe të shkruara. Çdo përdorues kryen mesatarisht 160 minuta thirrje dalëse në muaj, ndërsa paketat e zakonshme mujore përfshijnë deri në 1 mijë minuta thirrje.

Nëse njësitë e komunikimit në paketa do të konsumoheshin të plota, çmimi mesatar do të rezultonte edhe më i ulët. Vlerësohet se çdo përdorues aktiv vitin e kaluar përdori rreth 160 minuta thirrje dalëse, 34 mesazhe të shkruara dhe 2 GB internet në muaj.

Të dhënat krahasuese të AKEP tregojnë se shqiptarët kanë shpenzime mesatare për telefonin celular, shumë më të ulëta krahasuar me Bashkimin Europian. Statistika më e fundit për BE-në i takon vitit 2016, kur një përdorues i telefonisë celulare shpenzonte mesatarisht 162 euro në vit. Në Shqipëri, shpenzimi mesatar është rreth 47 euro në vit, ose në pak se një e treta e mesatares së BE.

Forcimi i konkurrencës dhe i rregullimit të tregut ka bërë që në dekadën e fundit kostot e komunikimit me celular të bien vazhdimisht. Shpenzimi mesatar për një minutë thirrje vitin e kaluar ishte 60% më i ulët krahasuar me vitin 2010. (Scan)

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ela: 13/05/2018 11:36

    Ne fakt shqiptaret i ke gjith diten ne telefon dhe shumica i ke o facebook o instagram. mire doniahte te mos kishim kaq shume gigabajt qe te benim dhe ndonje pune :-) jo se po qahemi per gigat po sepse shoh ne gjermani ku studioj qe 1 gigabajt kushton 10 euro ndersa ne shqip e merr me shumefish me pak, ulesh me gjerman mund te flasesh e ulem me miq ne shqiperi e mezi shkembejm dy fjal.

    Përgjigju
  • Bcnccncncn: 13/05/2018 08:54

    Po justifikoni kompanite duke na krahasuar me Europen per standarte?! Bravo.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sarandë/ Aksident pranë fshatit Shijan, makina kthehet përmbys në një kanal gjatë rrugës! Lëndohen dy persona dhe dërgohen me urgjencë në spital

Sarandë/ Aksident pranë fshatit Shijan, makina kthehet përmbys në një kanal gjatë rrugës! Lëndohen dy persona dhe dërgohen me urgjencë në spital

26 Dhjetor, 10:00