AKKP, Sonila Qato: Harta e tokave 
  e pavarur nga reforma territoriale

TIRANE- Ndarja e re administrativo-territoriale, e cila hyri në fuqi menjëherë pas zgjedhjeve vendore të 21 qershorit, do të lërë të pandryshuar zërat kadastralë, të cilët përcaktojnë natyrën funksionale të tokave. Në këtë mënyrë, një sipërfaqe që në hartën e vlerës së tokës cilësohet truall, tokë bujqësore, apo kullotë, do të mbetet e tillë edhe me ndarjen e re territoriale me 61 bashki në gjithë territorin.

Për pasojë, çdo llogaritje për veprimet me tokat (për efekt kompensimi apo veprime të tjera me pasuritë e paluajtshme) për llogari të AKKP apo ALUIZNI-it, do të bëhet duke u bazuar te harta e vlerës së pronave që miratohet çdo vit nga qeveria, dhe jo në varësi të bashkisë ku përfshihet me ndarjen e re ajo sipërfaqe.