POP 5

Lajmet më të lexuara të 5 minutave të fundit

Kronikë

Akreditohet Universiteti Vitrina
Firmos urdhrin ministri Tafaj

Universiteti jopublik “Vitrina” pas 4 vitesh funksionimi ka marrë akreditimin, duke u vlerësuar fillimisht nga Agjencia Publike e Akreditimit të Arsimit të Lartë (APAAL) më 11 janar 2013 dhe më 6 shkurt 2013 me urdhrin e Ministrit të Arsimit dhe të Shkencës, Myqerem Tafaj.
TIRANE - Universiteti jopublik “Vitrina” pas 4 vitesh funksionimi ka marrë akreditimin, duke u vlerësuar fillimisht nga Agjencia Publike e Akreditimit të Arsimit të Lartë (APAAL) më 11 janar 2013 dhe më 6 shkurt 2013 me urdhrin e Ministrit të Arsimit dhe të Shkencës, Myqerem Tafaj.

Në këtë universitet jopublik numërohen aktualisht më shumë se 7 mijë studentë që studiojnë në fakultetet e Inxhinierisë, të Mjekësisë, të Arkitekturës, të Ekonomi - Turizmit, të Shkencave Politike, të Drejtësisë dhe të Shkencave të Edukimit.

Rektori i këtij universiteti dhe njëherësh një personalitet i njohur i botës akademike, Prof. Mario Kedhi shprehet se “SHLUP “Vitrina”, bazuar në ligjin Nr. 9741, datë 21.07.2007 “Për Arsimin e Lartë në Republikën e Shqipërisë”, qysh në hapjen e tij ka punuar për sigurimin e standardeve shtetërore të cilësisë, të cilat kanë ndikuar në përmirësimin e menaxhimit të cilësisë së mësimdhënies e mësim-dhënies dhe në përmirësimin e shërbimeve ndaj studentëve dhe personelit akademik”.

Sipas profesor Kedhit akreditimi ishte një vlerësim i merituar nga veprimtaria e stafit akademik të këtij institucioni. Profesor Kedhi thotë për Mediat se “ky vlerësim konsiston në hartimin dhe miratimin e programeve akademike në përputhje me angazhimet kombëtare në proceset evropiane dhe lidhur këto me faktorët e tregut të punës, misionin dhe strategjinë akademike të përputhura me planifikimin e burimeve njerëzore. Me fjalë të tjera gjithë ky proces pune që u kurorëzua me plotësimin e standardeve shtetërore të cilësisë, erdhi falë përpjekjeve dhe përkushtimit të presidentit, drejtuesve administrativë dhe stafit akademik”.

Ambicia e këtij universiteti, me lidhje bashkëpunimi me disa institucione të larta në rajon dhe më gjerë dhe me kontingjente studentësh nga gjithë hapësira shqiptare, është që të shndërrohet ndër dy-tre universitetet më të mira në vend.

universiteti vitrina

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Pse nuk duhet të hani ushqimin e një dite më parë?

Pse nuk duhet të hani ushqimin e një dite më parë?

9 Janar, 19:42