Një 24-vjeçar humbi jetën në një aksident tragjik rreth orës 03.00 të mëngjesit te mbikalimi i Novoselës. I riu me banim në Fier, përfundoi jashtë rrugës me automjetin që u shkatërrua totalisht, si pasojë e shpejtësisë me 200 km/orë.

Report Tv siguroi pamje nga kamera sigurie, teksa makina që drejtonte 24-vjeçari Albi Hoxha del nga rruga në autostradën Vlorë-Fier. Makina është përplasur fillimisht me barrierat mbrojtëse anësore dhe më tej ka dalë rreth 30 metra nga rruga. Shoferi, Albi Hoxha humbi jetën menjëherë dhe trupi i tij u dërgua në morg.

Automjeti thuajse i shkatërruar dëshmon edhe përplasjen e fortë që ka ndodhur me barrierat si pasojë e shpejtësisë tej normave të qarkullimit rrugor.

“Vlorë/Informacion paraprak

Sot, rreth orës 03:00, në vendin e quajtur mbikalimi i Novoselës, në aksin rrugor në drejtim të fshatit Akërni, automjeti me drejtues shtetasin A. H., 24 vjeç, banues në Fier, është përfshirë në një aksident rrugor.

Si pasojë e aksidentit, drejtuesi i mjetit A. H ka humbur jetën.

Grupi hetimor po kryen veprimet për zbardhjen e plotë të rrethanave dhe përcaktimin e shkakut të aksidentit”, thuhet në njoftimin e policisë.

 

Rendit zhvillimet sipas orarit:
Ora 15:46
Aksidenti i rëndë në Novoselë/ Del video, 24-vjeçari po udhëtonte me mbi 200km/orë kur u përplas me barrierat anësore (VIDEO)

Aksidenti i rëndë i ndodhur mëngjesin e sotëm, ku humbi jetën 24-vjeçari Albi Hoxha, është kapur nga kamerat e sigurisë së një biznesi pranë vendngjarjes. Nga pamjet dyshohet se automjeti ka qenë duke lëvizur me shpejtësi tepër të lartë, mbi 200 km/h, çka dyshohet të ketë qenë edhe shkaku kryesor i përplasjes fatale. Autoritetet po punojnë për zbardhjen e plotë të rrethanave.

K.B/Shqiptarja.com

K.B/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Prill, 10:55

    Armëpushim dyjavor, a besoni se SHBA-Iran do arrijnë edhe një marrëveshje afatgjatë?

Lajme të tjera