Dalja nga rruga e një furgoni në Nikël të Fushë-Krujës shkaktoi dy viktima. Report Tv ka siguruar fotot e furgonit të batuar dhe policisë në vendngjarje ndërsa dy personat, një 76-vjeçar dhe një 50-vjeçare kanë humbur jetën në vend. Në këtë aksident është plagosur edhe një fëmijë që po udhëtonte në këtë mjet, dhe ai ndodhet në spital ku po merr ndihmën e nevojshme mjekësore.
Sipas policisë paraprakisht dyshohet se shkak për aksidentit është bërë humbja e kontrollit nga drejtuesi i mjetit, i cili pasi ka humbur ndjenjat nën drejtimin e makinës ka bërë ecje të çrregullt duke dalë nga rruga.
Viktimat sipas të dhënave parapake janë I.Malja drejtues i mjetit dhe L.Mjekra, të cilët po ashtu janë banorë të fshatit Bura-Nikël në Fushë-Krujë.
Njoftimi i plotë:
Informacion paraprak
Më datë 24.11.2018, në fshatin Bura-Nikël, ka dalë nga rruga një mjet tip Benz furgon dhe për pasojë kanë ndërruar jetë shtetasit I.M.(shoferi i mjetit) dhe L.M. (pasagjere)dhe është dëmtuar një fëmijë rreth 10 vjeç, i cili ndodhet në spitalin e Traumës Tiranë nën kujdesin e mjekëve.
Grupi hetimor po punon për sqarimin e rrethanave të ngjarjes.
