Një aksident i rëndë ka ndodhur në Vlorë, ku si pasojë e të cilit është plagosur shoferi i makinës.
Makina tip Ford është përplasur pranë tunelit të Uji i Ftohtë me hekurat mbrojtëse në brendësi te tunelit.
Drejtuesi është dërguar me urgjence drejt spitalit rajonal të qytetit të Vlorës dhe ndodhet jashtë rrezikut për jetën.
![](https://shqiptarja.com/template/img/NO_ALFA_Kuadrate shqiptarja.png)
Policia ka shkuar në vendngjarje dhe heton për shkaqet e aksidentit.
"Më datë 17.12.2020, rreth orës 19:15, në dalje të tunelit në “Uji të Ftohtë”, Vlorë, një automjet me drejtues shtetasin A. T., 18 vjeç, ka humbur kontrollin e mjetit dhe është përplasur me bordurën anësore të rrugës, për pasojë është dëmtuar drejtuesi i mjetit, i cili ndodhet në spital, jashtë rrezikut për jetën.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes", thotë policia.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)