Një aksident tragjik i ndodhur mbrëmjen e sotme në aksin Librazhd-Qaf Thanë, i ka marrë jetën 45-vjeçarit, Ardian Vreto. Sipas policisë në aksident janë përfshirë një makinë tip "Benz" me një makinë tjetër tip "Ford", si pasojë Ardian Vreto që drejtonte 'Ford-in', ka ndërruar jetë në Spitalin e Librazhdit.  Si pasojë e peërplasjes së fortë kanë mbetur të plagosur edhe çifti i bashkëshortëve Adnan dhe Frida Sofa dhe një person tjetër.

Foto nga aksidenti

I ndjeri Ardian Vreto është vëllai i kryetarit të PD-së në degën e Librazhdit, ndërkohë që ka qenë edhe punonjësi i policisë së Librazhdit.

Ndërkohë në vendin  e ngjarjes kanë shkuar forca të shumta policia të cilët po hetojnë për zbardhjen e plotë të shkaqeve të këtij aksidenti të rëndë. 

Viktima Ardian Vreto

 

Rendit zhvillimet sipas orarit:
Ora 23:00
Humbi vëllanë në aksident, kryetari i PD-së në Librazhd bën dedikimin prekës: Ku po shkon...

1579903290_bujar1.jpg
Kryetari i Partisë Demokratike në Librazhd, Bujar Vreto ka bërë një reagim prekës për humbjen e vëllait të tij, Ardian Vreto. Ky i fundit humbi jetën pas një aksidenti tragjik në afërsi të Pishkashit.

"Ardian ku po shkon vëlla. Ne jemi të tre, pse Zot, pse Zoti të mori pranë vetes" shkruan Vreto.