Një aksident ka ndodhur mëngjesin e sotëm në autostradën Fier- Lushnje në kryqëzimin e Savrës. Një motoçikletë duke udhëtuar për në Lushnje ka përplasur një kalimtare.
Kalimtarja ishte duke dalë në autostradë për të shkuar tek hapësira ku qëndrojnë zakonisht udhëtarët për në Lushnje kur është përplasur.
Nga aksidenti është lënduar edhe drejtuesi i motoçikletës shtetasi Riza Çela banues në Ngurrëz që shkonte në Lushnje të shiste qumështin.
![](https://shqiptarja.com/template/img/NO_ALFA_Kuadrate shqiptarja.png)
Të dy personat e lënduar ndodhen në spital nën kujdesin e mjekëve.
Banorët e Savrës shprehen se duhet eliminuar barriera e hekurt anësore pasi është burim aksidentesh.
"Po nuk u pre kjo llamarina këtu që të ketë hapësirë, ky avaz është çdo ditë aksidente. Është shumë e ngushtë dalja atje. Duhet që të merren masa, ta presin këtë", tha një banor i zonës për Report Tv.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)