Një minator është aksidentuar për vdekje në minierën e Bulqizës paraditen e sotme, pasi është zënë nga një masiv shkëmbor.
Mehdi Hidri 62-vjeç është minatori i cili ka humbur jetën ditën e sotme në zonën D të minierës së Bulqizës. Trupi i pajetë i minatorit ende nuk është nxjerrë nga miniera. Galeria ku u aksidentua minatori, mësohet se është në pronesi të ish-deputetit Gani Hoxha.
Njoftimi i policisë:
Rreth orës 10:15, salla operative e Komisariatit të Bulqizës, është njoftuar se në minierën e kromit në zonën D, Bulqizë, gjatë punës është aksidentuar duke humbur jetën shtetasi M.H, rreth 62 vjeç, banues në Bulqizë, (minator).
![](https://shqiptarja.com/template/img/NO_ALFA_Kuadrate shqiptarja.png)
Nga hetimet paraprake të kryera nga grupi hetimor, dyshohet se shtetasi M.H, duke kontrolluar frontin, është shembur një masiv shkëmbor ku dhe i ka shkaktuar vdekjen.
Vijojnë hetimet në vendngjarje dhe po punohet për zbardhjen dhe shkaqet e kësaj ngjarje.
![](https://www.shqiptarja.com/template/img/sh_logo1.png)