VLORË- Udhëtimi në Shqipëri për çiftin Marsac ka përfunduar tragjikisht.

Teksa po lëviznin me biçikletë në fshatin Bestrovë, në aksin e vjetër Vlorë-Fier janë përplasur nga një makinë, e për pasojë ka gjetur vdekjen gruaja, teksa burri Fabris Marsac ka mbetur i plagosur rëndë. Aksidenti ka ndodhur orës 15:20 të pasdites në aksin rrugor Bestrov-Vlorë, ku mjeti me drejtues 24-vjeçarin Kristi Dano nga fshati Oshtimë,  ka aksidentuar 2 shtetas francezë (bashkëshortë), që udhëtonin me 2 biçikleta.

Si pasojë e aksidentit ka ndërruar jetë shtetasja franceze, ndërsa bashkëshorti i saj, një 47-vjeçar me iniciale M. F., ndodhet në spitalin e Vlorës, nën kujdesin e mjekëve. Drejtuesi i makinës, i riu Kristi Dano është shoqëruar në Komisariat, për veprime të mëtejshme. Ndërsa rrethanat e aksidentit janë ende të paqarta.

Pas aksidentit tragjik, një tjetër aksident ndodhi në qytet pranë rrugës së spitalit, ku një furgon ka përplasur një këmbësore, e cila për pasojë mbeti e lënduar.

Rendit zhvillimet sipas orarit:
Ora 17:34
Tjetër aksident në Vlorë! Furgoni përplas këmbësoren (VIDEO)

Një tjetër aksident është regjistruar sot në Vlorë, ku një furgon ka përplasur një këmbësore, e cila për pasojë ka mbetur e lënduar.

Aksidenti ka ndodhur pranë rrugës së spitalit të qytetit, ndërsa raportohet se gruaja ndodhet jashtë rrezikut për jetën.

S.C/Shqiptarja.com