Aksident tragjik në Prishtinë
katër persona humbin jetën

Tre burra dhe një grua kanë vdekur në aksidentin e orëve të para të mëngjesit të kësaj të premte në kryeqytetin e Kosovës, Prishtinë.

Një autoveturë me targa gjermane ka rënë nga ura në hyrje të qytetit, ndërsa në të po udhëtonin pesë qytetarë nga Vitia, tre meshkuj dhe dy femra.

Në tragjedi vetëm njëra nga gratë që po udhëtonte me makinë ka arritur të shpëtojë, por gjendja e saj në QKUK ende nuk është e stabilizuar.

Ende nuk janë dhënë detaje për rrethanat se si makina ra nga ura në hyrje të kryeqytetit.

Redaksia Online
l.q/Shqiptarja.com