Shqiptarët përfshihen në një aksident tragjik në Itali, humbin jetën nënë e bir, plagosen 4 të tjerë

ITALI- Një aksident tragjik është regjistruar mbrëmjen e djeshme në Itali, ku dy shqiptarë, nënë e bir kanë humbur jetën. Aksidenti ka ndodhur në mbikalimin Roverino në Ventimiglia, ku përfshinë tre automjete, ndërsa mbetën të plagosur katër persona. Nënë e bir, 74 dhe 48 vjeç, nuk i mbijetuan dot plagëve të marra.

Me veturën Opel Astra me të cilën po udhëtonin viktimat u përplas një tjetër 28-vjeçar shqiptar i cili drejtonte automjetin dhe motra e tij. Ata u dërguan në spital për të marrë ndihmë mjekësore, ndërsa motra e tij ishte në gjendje të rëndë shëndetësore. 28-vjeçari ka vetëm lëndime të lehta.

Si pasojë e aksidentit, u plagos edhe një 46-vjeçar maroken, i cili drejtonte një Mercedes “4 Matic”, si dhe një 19-vjeçar i cili po udhëtonte me skuter. Të dy ndodhen jashtë rrezikut për jetën.

Paraprakisht, shkak i aksidentit dyshohet të ketë qenë shpejtësia e madhe më të cilën ka qenë duke udhëtuar mjeti ‘Opel’, ku humbën jetën nënë e bir shqiptarë. 48-vjeçari ka humbur kontrollin e mjetit dhe është përplasur me barrierat mbrojtëse  më pas me Mercedes Benzin.

SI.E./Shqiptarja.com

TAG:
• itali
• aksident me vdekje