Pakujdesia e shoferë, fluksi i lëvizjeve duke mos përjashtuar edhe pakujdesinë e këmbësorëve, ka bërë që numri i aksidenteve rrugore të rritet ndjeshëm. Shifrat e aksidenteve rrugore mbeten të frikshme. Më poshtë, një bilanc i vitit 2021 dhe një krahasim me vitin paraardhës sipas shifrave të publikuara nga INSTAT.
Në vitin 2021 kanë ndodhur në total 1,376 aksidente rrugore nga 1,234 të ndodhura në vitin 2020. Nga shifrat e publikuara nga INSTAT, aksidentet rrugore në 2021 krahasuar me vitin paraardhës, shënuan një rritje me 11,5 për qind. Krahasuar me 2019, numri i tyre ka rënë me 8,1 për qind.
Sakaq, në vitin 2021 aksidentet rrugore, në 15,3 % të rasteve, kanë ndodhur si pasojë e sjelljes së këmbësorit. Gjatë kësaj periudhe, numri i tyre sipas sjelljes së këmbësorëve është rritur 17,3 %, krahasuar me të njëjtën periudhë të një viti më parë. Në krahasim me vitin 2019, numri i aksidenteve sipas sjelljes së këmbësorit është ulur me 3,7 %.
Vetëm në muajin Dhjetor 2021 numërohen 119 aksidente rrugore nga 113 aksidente të ndodhura në të njëjtën periudhë një vit më parë, duke u rritur me 5,3 %, krahasuar me të njëjtën periudhë të vitit të kaluar.
Në muajin Dhjetor 2021, numri i të aksidentuarve (të vrarë dhe të plagosur) është 134 persona nga 147 që ishte në të njëjtën muaj të një viti më parë.
Në vitin 2021, numri i të aksidentuarve është 1,860 persona nga 1,598 persona në vitin 2020. Në vitin 2019, numri i të aksidentuarve ka qenë 2,044 persona.
Në muajin Dhjetor 2021, numri i të vdekurve nga aksidentet rrugore është 21 persona, nga 13 persona të vdekur në të njëjtën periudhë të një viti më parë.
Në vitin 2021, numri i të vdekurve nga aksidentet rrugore është 197 persona nga 181 persona të vdekur në vitin 2020 dhe nga 227 persona të vdekur në vitin 2019.
Në muajin Dhjetor 2021, aksidentet rrugore, në 85,7 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve në këtë periudhë është kryer nga grupmosha 25–34 vjeç, duke zënë 25,2 % të numrit të aksidenteve gjithsej. Aksidentet në këtë grupmoshë janë ulur me 11,8 %, krahasuar me të njëjtën periudhë të një viti më parë.
(Kliko këtu për të lexuar raportin e aksidenteve)
Lajme të tjera
-
Studimi/ Shqipëria, vendi i 5-të më pak i rreptë përsa i përket gjobave për drejtimin e automjeteve
25 Dhjetor, 12:54 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Parkimet e gabuara rëndojnë trafikun në Tiranë! Specialisti: Problem makinat luksoze, ja zonat kritike! Eksperti: Rrisni gjobat për ‘të fortët’
18 Dhjetor, 15:36 -
Durrës/ Po lëviznin me makinë pa rrip sigurimi, shoferët tentojnë të korruptojnë punonjësit e Policisë Rrugore
12 Dhjetor, 13:21 -
Moti i keq/ Policia e Shkodrës rrit shërbimet në rrugë, ja 3 akset më problematike! Shpëtohet qytetari nga Saranda në Theth-Bogë
9 Dhjetor, 15:49 -
Durrës/ Tentuan të korruptonin efektivët e Rrugores për t'i shpëtuar ndëshkimit, në pranga 2 shoferët! (VIDEO)
9 Dhjetor, 15:05 -
Durrës/ Tentoi të korruptonte me 4500 lekë policin e Rrugores që të shmangte gjobën, arrestohet shoferi i dehur! Në pranga edhe 4 të tjerë, një nën hetim (VIDEO)
8 Dhjetor, 15:41 -
Policia vendos mbi 25 mijë gjoba dhe apelon shoferët: Jepini përparësi këmbësorëve
10 Nëntor, 10:25 -
Policia Rrugore e Tiranës bën bilancin/ Shpejtësi tej normave, alkool dhe celular në timon! 26 të arrestuar dhe 12.402 gjoba gjatë një jave
27 Tetor, 10:03 -
1961 gjoba në një javë, Rrugorja e Vlorës dhe Sarandës bëjnë bilancin: Arrestohen 3 shoferë! Procedohen penalisht 2 të tjerë
14 Tetor, 15:42 -
Policia Rrugore bën bilancin/Shpejtësi tej normave, alkool dhe celular në timon, 24 të arrestuar në Tiranë
13 Tetor, 11:18 -
Aksident i trefishtë në aksin Lezhë-Shkodër, plagoset një grua! U karamboluan kamioni, vetura dhe furgoni (VIDEO)
7 Tetor, 14:22
