Aksidenti në Durrës, policia: 'Benz-i' i përplasur me ambulancën po shkonte në spital

Ambulanca dhe makina tip 'Benz' të përfshira në aksident

Makina tip 'Benz' që u aksidentua në lagjen 13 të Durrësit, sipas policisë ishte nisur për në spital, pra mjeti posedonte lejen për të lëvizur dhe shkuar në spital, por në të ndodheshin 5 persona, jashtë rregullave të lejuar për të qarkulluar me makinë, në të cilën lejohen vetëm 2 persona.

Sipas policisë mjeti tip "Benz"  me drejtues shtetasin I.R., 36 vjeç, ishte nisur për në spital, por është përplasur me ambulancë. Nga përplasja është lënduar pasagjerja e mjetit "Benz", shtetasja E.R.,44 vjeçe e  cila ndodhet nën kujdesin e mjekëve jashtë rrezikut për jetën. Sipas njoftimit të policisë 'benz-i' ishte drejtuar për në spital, por nuk sqaron nëse e kishte lejen e posaçme për të shkuar atje duke justifikuar edhe lëvizjen e mjetit jashtë fashës së orarit të lejuar.

Gazetari i Report Tv, Artur Korriku raporton se rruga në të cilën ishte drejtuar mjeti tip 'benz' nuk shkohet në spital pasi në atë zonë e vetmja rrugë që mund të shkohet për në spital ishte drejtimi nga kishte marrë ambulanca.

Lajmi kryesor:

VIDEO-Ekskluzive, 'Benz-i' me 5 persona përplaset me ambulancën në Durrës! Shpëton mrekullisht fëmija, policia: Makina po shkonte në spital

TAG:
• Durres
• aksident
• ambulanca
• karantinë