POP 5

Lajmet më të lexuara të 5 minutave të fundit

Kronikë

Aksidenti në Levan/ Një nga të plagosurit transportohet në gjendje të rëndë në Tiranë, stabilizohet gjendja e 4 të tjerëve

I transferuar në Tiranë është Jorgji Meraj, ndërsa dy të plagosurit e tjerë Haxhi Lamaj dhe Agron Çeçollari janë jashtë rrezikut për jetën.

Një ditë pas aksidentit të rëndë që ndodhi në autostradën Levan-Tepelenë, ku humbën jetën 2 persona dhe 5 të tjerë u plagosën, (Lexo këtu), një nga të plagosurit është transportuar me urgjecë për në spitalin e Tiranës.

I transferuar në Tiranë është Jorgji Meraj, ndërsa dy të plagosurit e tjerë Haxhi Lamaj dhe Agron Çeçollari janë jashtë rrezikut për jetën.

Sokol Dhima, një tjetër i plagosur ka dalë nga spital ndërsa Mënyr Lamaj, ndodhet në një nga pavionet e spitalit të Fierit. 

Pasditen e djeshme, një aksident i rëndë ndodhi në autostradën Levan-Tepelenë në afërsi të fshatit Varibop, ku dy makina përplasën 7 këmbësorë. Fillimisht, një makinë ka përplasur një këmbësor e më pas banorë të zonës bashkë me disa pasagjerë janë afruar për të ndihmuar këmbësorin. Në këtë moment, ka ardhur një makinë Opel që ka hyrë në parakalim dhe ka përplasur disa persona.

Rendit zhvillimet sipas orarit:
Ora 10:38
Aksidenti në Levan-Tepelenë, flet i plagosuri: Makina erdhi me shpejtësi të paparë, nuk frenoi, na mori përpara (VIDEO)

Një nga të plagosurit në aksidentin që ndodhi dje në autostradën Levan-Tepelenë, Mënyr Lamaj, jep detaje nga ngjarja e djeshme. I shtruar në spitalin e Fierit, Lamaj thotë se makina që përplasi atë dhe shkaktoi 2 viktima dhe 4 të tjerë të plagosur ishte me shpejtësi të lartë. ” Isha në autostradë duke parë kushëririn që  e kishte përplasur makina, na mori një makinë përpara. 5 minuta pasi ndodhi aksidenti i parë. Ishte me shpejtësi të paparë dhe nuk frenoi. Ne ishim me këmbë dhe vajtëm të shihnim kushëririn tonë Durimin. Isha unë djali dhe vëllai, Haxhiu. Ishin edhe ata të tjerët e autobusit. Ishin shumë.”-thotë Lamaj.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Protesta për VAR-in, pezullohet ndeshja në Norvegji

Protesta për VAR-in, pezullohet ndeshja në Norvegji

22 Korrik, 19:00