Zëdhënësi i Kishës Ortodokse Thoma Dhima në një postim në rrjetin social Facebook ka reaguar pas aksidentit të një dite më parë në Krujë ku ka thënë se hienat anti-të krishtera nuk nguruan që të hedhin vallen e tyre makabre ndaj kësaj ngjarje, në të cilën u plagosën 11 persona dhe një besimtare humbi jetën.
 
Ai ka shtuar se ata kanë hedhur shpifje e duke mos respektuar të plagosurit dhe personat e përfshirë në këtë ngjarje ku u përfshi një mikrobus në të cilin po udhëtonin 31 besimtarë ortodoksë e që u dogj në Krujë.
 
Ja postimi i tij i plotë në Facebook
Ndersa te gjithe jemi te shokuar nga fatkeqesia e tmerrshme qe u ndodhi nje grup pelegrinesh ortodokse nga Vlora, hienat antitekrishtera nuk ngurruan te hellin vallen e tyre makabre te shpifjeve edhe mbi te vdekurit e plagosurit. Aferim, te pakten do e kuptojne edhe me shume vete se kush jane dhe cmision te peshtire percares kane.
Ja reagimi i perfaqesuesve te kishes se Shen Theodhoreve, qe u preken rende edhe vete nga ky aksident:
Te dashur vellezer dhe motra, 
deshirojme te shprehim falenderimet tona per lutjet dhe mesazhet tuaja te shumta ne mbeshtetje te bashkebesimtareve tane qe u provuan me kete ngjarje te veshtire. Ju lutemi te vazhdoni te bashkoni lutjet tuaja ndaj Zotit per ta. 
Falenderojme mjeket e QSUT-se qe po bejne te pamunduren per shpetimin e jeteve te atyre qe rrezikojne me shume dhe stabilizimin e shendetit te te tjereve. Falenderojme Kryeministrin dhe Ministrin e shendetsise per mbeshtetjen dhe interesimin e tyre te menjehershem dhe te vazhdueshem. Falenderojme gjithashtu Kryetarin e Bashkise Vlore z.Dritan Leli dhe deputetet e Vlores qe ishin te pranishem ne kete dhimbjen tone te madhe.
Me keqardhje konstatojme se,nuk e humben as kete rast, ata te cilet me kembengulje patologjike, shpifin dhe hedhin balte mbi Kishen tone dhe Bariun e saj, duke mos kursyer per kete qellim as dhimbjen e kishes sone lokale dhe te gjithe qytetit te Vlores. Detyrohemi te bejme me dije se Fortlumturia e Tij, Kryepeshkopi i Tiranes dhe gjithe Shqiperise z.Anastas me pergjegjshmerine e rolit te Kryebariut,ndyshe nga sa pretendohet nga dikush dhe siç eshte bere publike nga te gjitha mediat dhe shume portale online, menjehere sapo eshte njoftuar per ngjarjen, ka vizituar te plagosurit ne QSUT, i shoqeruar nga ministri i shendetsise z. Ilir Beqja. Ai ka vizituar nje per nje te gjithe te plagosurit. Eshte lutur per ta, i ka bekuar dhe uruar per nje sherim sa me te shpejte. Gjithashtu Ai eshte investuar per te bere te mundur transferimin e te plagosurve ne spitale me te specializuara jashte vendit gje e cila nese do te jete e nevojshme do te behet,ne momentin me te pershtatshem, ne baze te udhezimeve te mjekeve. 
Ju lutemi te mbetemi te bashkuar ne lutje per permiresimin e shendetit te te afermve tane dhe per prehjen e motres sone te dashur me Krishtin zj. Violeta Gjika e cila nuk mundi tu mbijetoje flakeve. 
Perëndia ta prehë në tendat e te drejteve dhe familjareve te saj tu lehtesoje dhimbjen. Faleminderit te gjitheve per te gjitha!

Redaksia Online
(F.T/shqiptarja.com)