Tre të rinj vetëm 20 vjeç, dy prej të cilëve shqiptarë humbën jetën në një aksident fatal të ndodhur në orët e para të mëngjesit të sotëm në Portogruaro të provincës së Venecias.
Dy prej viktimave janë Egli Gjeci (26 vjeç) e Altin Hoti (22 vjeç), me origjinë shqiptare, të dy banues në Concordia Sagittaria, ndërsa viktima e tretë është Giulia di Tillio, 21 vjeçe me banim në Portogruaro. Vajza ishte e fejuara e Altin Hotit.
Ata kanë humbur jetën në vend pasi mjeti "BMW Seria 3" me të cilin udhëtonin ka dalë nga rruga dhe ka përfunduar në lum, Reghena raporton La Repubblica.
Eshtë dashur ndërhyrja e polumbarëve dhe një vinç për të nxjerrë makinën nga lumi, brenda së cilës ndodheshin dhe 3 trupat e pajetë të të rinjve.
Nuk dihet nëse të rinjtë kanë humbur jetën nga përplasja apo nëse kanë mbetur të bllokuar në mjetin, i cili është gjetur me dyer të mbyllura. Dritarja e thyer, nga e cila fillimisht mendohej se mund të kishte dalë dikush, mund të ishte gjurma e tentativës së të rinjve për të thyer xhamin për të dalë nga makina. Hetimet në vazhdim do të zbardhin dinamikën.
Dinamika
Përplasja ndodhi në zonën Borgo Sant'Agnese rreth orës 3 të mëngjesit. Sipas disa dëshmitarëve, makina vazhdoi në vijë të drejtë pranë një kthese, duke përfunduar në ujë dhe duke u fundosur poshtë një urë të vogël mbi lumin Reghena. Policia ka urdhëruar kryerjen e autopsisë së drejtuesit të mjetit për të kuptuar gjendjen psikofizike në të cilën ai drejtonte mjetin.
Viktimat
Viktimat janë Giulia di Tillio, 21 vjeçe, banuese në Portogruaro, Egli Gjeci, me origjinë shqiptare dhe po ashtu banuese në Portogruaro dhe Hoti Altin, 22 vjeç nga Kosova, me banim në Concordia Sagittaria. Ky i fundit, i fejuar prej dy vitesh me Giulia-n, drejtonte makinën e tij. Ndërkohë 6 muaj më parë në familjen Hoti kishin humbur dhe vëllain e Altinin. Admiri, në moshën 18-vjeçare kishte humbur jetën në një aksident të ngjashëm rrugor në të cilin është përfshirë së bashku me babain e tij.
Kërkimet e zjarrfikësve në ujërat e lumit vazhduan disa orë pasi në fillim u mendua se në makinë kishte qenë edhe një person tjetër, por kontrollet dhanë rezultate negative. Polumbardhat vijuan kontrollet me orë duke tentuar të nxjerrin disa sende personale që i përkisnin tre viktimave.
Presidenti i Rajonit të Venetos, Luca Zaia, shpreh ngushëllimet familjeve për humbjet e jetëve në aksidentin shumë të rëndë rrugor. Ai tha se është duke punuar me të gjitha institucionet për të parandaluar pasimin e tragjedive të tjera.
“Veneto mban zi për viktimat e tjera të reja të rrugës. Një tragjedi e pafund, e fundit e shumë të tjerave, që lë zemrën të thyer dhe thërret ndërgjegjet në një ekzaminim të thellë se çfarë mund të bëhet për t'i shmangur ato”, tha presidenti i Rajonit Veneto, Luca Zaia, sapo mësoi për ngjarjen.
Presidenti i Rajonit të Venetos, Luca Zaia, shpreh ngushëllimet familjeve për humbjet e jetëve në aksidentin shumë të rëndë rrugor.
Ai tha se është duke punuar me të gjitha institucionet për të parandaluar pasimin e tragjedive të tjera.
''Në këtë moment dua t'u bashkohem familjeve të viktimave dhe të gjithë atyre që i njohin dhe i vlerësuan, duke u dërguar ngushëllimet e mia më të thella. Ne duhet të vazhdojmë me të gjitha institucionet të kërkojmë forma më efektive të parandalimit, sepse, nëse me këtë arrijmë të shmangim qoftë edhe një tjetër nga këto tragjedi, do të kemi arritur një rezultat për t'i bërë rrugët tona më të sigurta", tha Veneto.
Foto e viktimave
Pas ngjarjes tragjike të tre të rinjve në Itali, mediat italiane raportuan se 22-vjeçari me origjinë nga Kosova, Altin Hoti, 6 muaj më parë kishte humbur vëllain e tij 18-vjeçar nga një aksident i ngjashëm.
Në aksidentin e ndodhur para 6 muajsh ishte përfshirë edhe babai i tij, raporton Corriere.
22-vjeçari ishte i fejuar prej dy vitesh me italianen Giulia, e cila po ashtu humbi jetën në aksidentin tragjik.
Media italiane publikon pamje të vendit se ku ndodhi aksidenti tragjik. Polumbarët kanë nxjerrë nga uji i lumit Reghena trupat e viktimave, dy të rinj shqiptarë dhe një vajzë italiane.
Aksidenti u shënua rreth orës 03:00 të mëngjesit të së premtes (7 dhjetor) në provincën e Venecias në Itali.
Makina ka dalë nga rruga ka kaluar barrierat dhe ka përfunduar në lumë.Trupat e pajetë janë gjetur brenda në kabinën e makinës
Viktimat shqiptarët Egli Gjeci (26 vjeç) e Altin Hoti (22 vjeç), të dy banues në Concordia Sagittaria dhe Giulia di Tillio me banim në Portogruaro 21 vjeçe
Komente
Lajme të tjera
-
Tërmet në Napoli, njerëzit e frikësuar dalin në rrugë
27 Prill, 10:08 -
Itali/ Bie nga 10 metra lartësi në Milano, 18-vjeçari shqiptar në gjendje shumë të rëndë shëndetësore
26 Prill, 20:02 -
Vota e diasporës dhe problematikat e emigrantëve, Basha takim me bashkatdhetarët në Itali
26 Prill, 15:02 -
I dënuari në Itali me 10 vite burg, fshihej në Shqipëri! Arrestohet 29 vjeçari me 3 emra
26 Prill, 13:53 -
Milano, shqiptarët çojnë policinë në parkimin ku ishin fshehur 5 kg heroinë, ishte mbështjellë me proshutë
26 Prill, 12:01 -
Emisioni në Rai 3, Rama për 'Corriere': I neveritshëm, paragjykime për Shqipërinë! Ndërhyra për të mbrojtur imazhin e vendit tim
26 Prill, 10:22
-
Biletë për të hyrë në Venecia? Ja çfarë duhet të dini
25 Prill, 15:54 -
Milano kërkon të ndalojë shitjen e akulloreve dhe picave pas mesnate
25 Prill, 13:33 -
U dënuan me 23 vite burg për vrasjen e Shpëtim Frashërit në Torino, Gjykata e Lartë e Italisë shpall të pafajshëm 3 shqiptarë (EMRAT)
25 Prill, 12:08
-
Të dënuar për trafik drogë e grup kriminal, 2 të ekstraduar në Itali
25 Prill, 09:59 -
Itali, vdes foshnja 3-muajshe, prindërit çohen në gjyq për keqtrajtim të vajzës së tyre
24 Prill, 12:10 -
Lega pranon kërkesën e Interit, ndeshja me Torinon luhet në mesditë! Festë pa trofeun në Milano
23 Prill, 15:40
Ngushellime familjeve te viktimave te fatit te zi. Ca behet keshu sa njerez qenkemi qe ku ndodhe fatkeqsi ne bote ka dhe shqiptare. Zoti u lecofte dhimbjen
Përgjigju