TIRANE-Policia ka vendosur në pranga një person dhe një tjetër është proceduar në gjendje të lirë, pasi akuzohen për shpërndarje të lëndëve narkotike, kanabis pranë shkollave në kryeqytet. I arrestuari është Leonard Doka 22 vjeç, ndërsa është proceduar në gjendje të lirë, M. B. 21 vjeç.
Nga operacioni u sekuestruan në total 32 doza me lëndë të dyshuar narkotike të llojit kanabis.
Policia deklaron se për Leonard Dokën kishte informacion se shpërndante lëndë narkotike pranë shkollave 9-vjeçare të kryeqytetit (“Ali Demi”, “Kushtrim i Lirisë” dhe “1 Maji”) dhe në momentin që është konstatuar së bashku me 21 vjeçarin me inicialet M. B. iu ushtrua kontroll dhe iu gjet droga.
![](https://shqiptarja.com/template/img/NO_ALFA_Kuadrate shqiptarja.png)
Gjithashtu në ambientin përreth shkollës “Qemal Stafa” gjatë kontrollit të ushtruar 24-vjeçarit me inicialet A. B. iu gjetën dhe sekuestruan 2 doza kanabis. Materialet iu referuan Prokurorisë së Rrethit Gjyqësor Tiranë për veprën penale “Prodhim dhe shitje lëndësh narkotike”, parashikuar nga neni 283 i Kodit Penal në ngarkim të shtetasve L. D., A. B., dhe për veprën penale “Moskallzim krimi”, parashikuar nga neni 300 i Kodit Penal në ngarkim të shtetasit M.B.
Dozat e kanabisit që u sekuestruan nga policia
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)