Aksionet e policisë në Vlorë dhe Shkodër, Balla: Kam besim se do të bëjnë detyrën në zbardhjen e ngjarjeve kriminale

Ministri i Brendshëm ka përshëndetur operacionet e fundit të Policisë në Shkodër e Vlorë, për ndalimin e disa personave me rrezikshmëri të lartë duke parandaluar ngjarje kriminale. Por ministri Balla kërkon nga strukturat e Policisë të intensifikojnë punën për zbardhjen e ngjarjeve të vjetra dhe përballjen e autorëve me drejtësinë.

”Policia e Shtetit ka goditur grupe kriminale me rrezikshmëri të lartë, të përshirë më parë në ngjarje kriminale të rënda, në Vlorë dhe Shkodër. Kam besim se Policia e Vlorës dhe ajo e Shkodrës do të bëjnë detyrën në zbardhjen e ngjarjeve kriminale të reja dhe më të vjetra për vendosjen para drejtësisë të personave të dyshuar. Qytetarët e Vlorës dhe Shkodrës presin prej nesh garantimin e rendit, sigurisë publike dhe parandalim të ngjarjeve kriminale. Presim më shumë rezultate!”, shkruan ministri në rrjete sociale.

LEXO EDHE:
Vlorë/ Burri kërcënohen me thikë nxënësit, po luanin në Lungomare! Autori me probleme të shëndetit mendor

Shërbimet e Policisë Vlorë në bashkëpunim me RENEA-n finalizuan operacionin policor "Obelisk", ku u vunë në pranga disa shtetas me armë pa leje, në një lokal. Ndërsa në Shkodër gjatë operacionit “Konglomerat” u sekuestrua lëndë plasëse dhe u arrestua poseduesi i tyre, i cili në momentin e ndërhyrjes nga Policia u kap në flagrancë duke u kujdesur për 120 bimë narkotike që kishte kultivuar në afërsi të banesës së tij.

Lajmi kryesor:

VIDEO/ Aksioni i RENEA-s në Vlorë, 6 të arrestuar! Sekuestrohen armë, mjete dhe shuma parash, pjesë e një grupi të strukturuar kriminal

G.MO/r.k./Shqiptarja.com

TAG:
• Santilno Basho
• kontrolle blic
• aksion blic
• Renea
• Vlore
• mariglen aliaj
• bruno shehu
• mehmet hoxhaj
• beraldo xhindi
• kevin metaj
• armembajtje pa leje
• grup kriminal